काठमाडौं, ६ मंसिर । एनसेल आजियाटा लिमिटेडले नयाँ प्रिपेड प्लानहरु ल्याएको छ । नयाँ प्रिपेड प्लान अन्तर्गत तीन वटा स्टार्टर प्याकहरु सजिलो, सहयात्री प्लान र सही यो प्लान अपडेट गरिएका छन् ।
यी प्याकहरु आइतबार ९मसिर ४० देखि सञ्चालनमा आएका कम्पनीले जनाएको छ । सजिलोको कर सहित ९७, सहयात्रीको ९८ र सही यो प्लानको ९९ रुपैयाँ तोकिएको छ ।
स्टार्टर प्याक अन्तर्गत सिम कार्ड खरिद गर्दा स्वतः सजिलो प्लान प्राप्त हुन्छ । यसमा १० रुपैयाँ मेन ब्यालेन्स, ६० एमबी डाटा, ४० मिनेट अन नेट कल र ७ दिनको समयसीमा रहेको २० वटा अन नेट एसएमएस समावेश हुन्छ । यो प्याक लिनेले अन नेट भ्वाइस कल अन्तर्गत कर सहित १.६२ रुपैयाँ प्रति मिनेटमा कल, १ रुपैयाँमा पे एज यू गो डाटा र कुनै पनि नेटवर्कमा एसएमएस कर बाहेक १ रुपैयाँमा मा पठाउन सक्छन् ।
कम्पनीका अनुसार वैदेशिक रोजगारीमा जाने योजनामा रहेका व्यक्ति तथा परिवारका सदस्यहरुका लागि सहयात्री प्लान रहेको छ । यो प्लान अन्तर्गत ग्राहकले रु १० मेन ब्यालेन्स, १०० एमबी डाटा, ७ दिनको समयसिमा रहेको १० वटा अन नेट एसएमएस प्राप्त गर्न सक्छन् । यसका साथै सहयात्री प्लान लिने ग्राहकले भारतमा पहिलो ३ मिनेटको कल पछि १० प्रतिशत छुटमा कल गर्ने सुविधा प्राप्त गर्दछन् ।
सही यो प्लान युवा वर्गलाई लक्षित स्टार्टर प्याक हो । यस अन्तर्गत अन्तर्गत इन्स्टाग्राम प्रयोग गर्न ३० दिन समयसीमा रहेको १ जीबी डाटा, १० मिनेट मेन ब्यालेन्स, १०० एमबी डाटा, १० मिनेट अन नेट कल र ७ दिनको समयसीमा रहेको १० वटा अन नेट एसएमएस प्राप्त गर्न सक्ने कम्पनीको भनाइ छ ।
नेपाल घुम्न आउने पर्यटकहरुका लागि पनि एनसेलले १००, ५०० र १००० रुपैयाँका तीन प्लानहरु प्रदान गर्दै आएको छ । १०० को प्लानमा ग्राहकले २०० एमबी डाटा, १० मिनेट (लोकल कल) प्राप्त गर्छन् । ५०० को प्लानमा पर्यटकले ५० मेन ब्यालेन्स, ५० मिनेट लोकल कल र ७ दिनको समयसीमा रहेको १० जीबी डाटा प्राप्त गर्न सक्छन् ।
त्यस्तै १००० रुपैयाँको प्लान अन्तर्गत नेपाल भ्रमणमा रहेका पर्यटकले ५० रुपैयाँ मेन ब्यालेन्स, १०० मिनेट लोकल कल र २८ दिनको समयसीमा रहेको २५ जीबी डाटा पाउँछन् ।
काठमाडाैं, १५ मङ्सिर । राष्ट्रियसभा सदस्य महेशकुमार महराले सङ्घीय लोकतान्त्रिक गणतान्त्रिक व्यवस्थाको असली अभ्यास र… 
काठमाडौँ, १५ मङ्सिर। यस वर्षको सेजन अवार्ड कान्तिपुर दैनिकका मातृका दाहाल र देवेन्द्र भट्टराईलाई संयुक्तरूपमा… 
काठमाडौं, १५ मङ्सिर। जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिको २८औँ सम्मेलन (कोप–२८) सामूहिक जलवायु कार्यलाई… 
काठमाडौं, १५ मंसिर । प्रभु बैंकले ‘बैंक अफ दि इयर २०२३’ को उपाधि पाएको छ।… 
