मनकामना केबलकार १ दिनका लागि बन्द हुने

-



     सफल आवाज    
     चैत्र ५ गते २०८० मा प्रकाशित



चितवन, ५ चैत । मनकामना केबलकार १ दिनका लागि बन्द हुने भएको छ। नियमित मर्मत सम्भार गर्नुपर्ने भएकाले यही चैत ७ गते १ दिनका लागि सेवा बन्द गर्न लागिएको मनकामना दर्शन प्रालिले जनाएको छ।

नियमित मर्मत सम्भारका लागि १ दिन बन्द हुने सेवा चैत ८ गते बिहीबारदेखि नियमित सञ्चालनमा आउने प्रालिका नायब महाप्रबन्धक उज्ज्वल शेरचनले जानकारी दिएका छन।

गोरखाको सहिद लखन गाउँपालिका–३ स्थित प्रसिद्ध धार्मिकस्थल मनकामनामाइको मन्दिरमा पूजा गर्न जाने दर्शनार्थीको सहजताका लागि चितवनको इच्छाकामना–४ कुरिनटारबाट १० मिनेटमा पुग्नेगरी विसं २०५५ मा उक्त केबलकार सेवा स्थापना भएको थियो। मनकामना केबलकार नेपालकै पहिलो केबलकार हो ।