‘आफ्नो जमिन फिर्ता गरी छाड्ने बेला भयो
सिमानामा देशको झण्डा गाड्ने बेला भयो ..’
कवि तथा गीतकार शिव पलाँसको देशप्रेमको भाव बोकेको गीत हालै सार्वजनिक भएको छ ।
पछिल्ला केही वर्षयता अमेरिका प्रवासमा रहेर पनि अक्षरको खेती गर्दै आएका पलाँसको सो गीतमा रमेश कडरिया र अनिता घिमिरेको स्वर सुन्न सकिन्छ । संगीत रमेश आफैले भरेका छन् । भुवन लामा निर्देशिक सो भिडियोमा संगीत संयोजन नरेन्द्र बियोगीको छ ।
गीतको म्यूजिक भिडियो कडरिया इन्टरटेनमेन्ट मार्फत सार्वजनिक भएको हो ।
गीतमा नेपालको सीमा अतिक्रमण विषय प्रमुखताका साथ उठाइएको छ । छिमेकीले सदियौँदेखि सिमामा गरेको थिचोमिचो अहिले झन् बल्झिरहेकोमा सीमा विवादबीचको पीडा गीतमार्फत पस्किएको गीतकार पलाँसले बताए ।
यस्तै, गीतमा राष्ट्रियता र राष्ट्रप्रेम पाउन सकिन्छ । भारतसँग भएको विभिन्न सन्धी सम्झौता तथा कालापानी विषयलाई पनि गीतमा उठाइएको छ ।
‘बेहोसीमै छाडी गयांै’ गीतबाट स्रोता दर्शकसमक्ष पुगेका गीतकार शिव पलाँसको ‘माया गर्नुको अर्थ सिँउदो भर्नु होइन’ अत्यधिक रुचाइएको गीत हो ।
त्यस्तै, ‘गन्दै जाँदा पिरतीमा’, ‘बेहोशीमै छोडी गयौ’, ‘आगो भन्ने जान्दाजान्दै,’ ‘‘ज्यानमा बैश फुल्न थाल्यो’ ‘काली मोरीले’ लगायत करिब चार दर्जन गीत रेकर्ड रेकर्ड छन् ।
स्याङ्जाका शिव पलाँस केही वर्षदेखि अमेरिका नर्थ क्यारोलिना बस्दै आएका छन् । पप, आधुनिक र गजल सबै विधामा उनको कलम सशक्त छ ।
‘कालापानी नभई हाम्रो तिर्खा मेटिँदैन
लडौं जबसम्म सिंगो नेपाल भेटिँदैन..।’
पाेखरा, ७ असाेज । जिल्ला समन्वय समिति जिल्ला समन्वय समिति कास्कीद्वारा स्थानीय तहहरूको बार्षिक समिक्षा… 
पाेखरा, ७ असोज । पर्यटकीय नगरी पोखरामा ४४औँ विश्व पर्यटन दिवस (सेप्टेम्बर २७) लाई भव्य… 
काठमाडाैं, ७ असोज । चालु आर्थिक वर्ष २०८०/८१ को सुरुवाती दुई महिनामा मुलुकले रू दुई… 
बेइजिङ, ७ असोज । प्रधानमन्त्री पुष्पकमल दाहाल ‘प्रचण्ड’ले चिनियाँ लगानीकर्तालाई नेपालमा लगानीका लागि आग्रह गरेका… 
