काठमाडौं, ९ मङ्सिर । नेपाली सेफ सन्तोष शाह बीबीसीले प्रायाेजन गरेकाे मास्टर सेफ द प्रोफेसनलको सेमिफाइनलमा पुगेका छन। नेपाली खानालाई बिश्व बजारमा चिनाउने सोचका साथ लागेका शाहले लन्डन मै बसेर बिगत पाँच बर्षदेखि नेपाली परम्परागत खानाको सोध तथा अनुसन्धान शुरु गरेका थिए । अहिले जुन कम्पिटिसनमा भिडिरहेका छन् ति खाना भने मोर्डन ओयमा प्रस्तुत छ । जसले गर्दा निर्णायकहरुको मन छोयो। उनले सिस्नो, कर्कलोको पात, भाङगको अचार, टिमुर,सिस्नो, आलुको तरकारी, भेडाको मासु, पोलेको माछा, खसीको मासु, थेबेको साग, तामाको अचार, गहुको रोटी, ढुम्रीभित्र आलुको अचार राखेर नेपाली परिकार र तराइको बुनिया, जेरी लगायतका खाना पस्केका थिए । जुन अत्यन्त नौलो र भिन्न देखियो । कलात्मक पनि देखियो।
दर्जनौ बिदेशी सेफहरुलाई पछाडी पारेर जसरी उनले सेमिफाइनल प्रबेश गरे तब सर्बत्र उनको चर्चा शुरु भयो । उनले प्रतियोगितामा जुन आँट र साहस लिएर नेपाली खानाको प्रचारप्रसार गरे अहिले बिश्वभरका नेपालीले उनको सह्राना गरेका छन् र भनेका छन्, यो स्थान हासिल गर्नु भनेको शाहले यो प्रतियोगिता जितेसरह बराबर भएको छ। प्रतियोगितामा शाहले आफ्नो पाक-कलाको सर्वश्रेष्ठ नतिजा दिन पनि सफल भएका छन् ।
शाहले प्रतियोगितामा जानको लागि बिगत पाँचबर्ष देखि अभ्यासरत थिए। मैले बिगत दुइ दशक देखि भारतीय खाना र अन्य देशक खानाको सोध र अनुसन्धानमा बिताएँ, अब मैले आफ्नो देशका लागि पनि केहि गर्नुपर्छ भन्ने लागेर शुरु गरेको हुँ । म निरन्तर मेरो देशको खानाको सोध र अनुसन्धानमा लागेर हाम्रो खानालाई चिनाउने प्रयास गर्छु, लन्डनबाट उनले फोनमा भने । खाना भन्ने कुराले आफ्नो देशको कला संस्कृतिसंग सम्बन्ध राख्ने हुँदा हामीले हाम्रो देशको स्वाद बिश्वलाई चखाउन पनि अति आबश्यक छ, उनले भने ।
नेपाल कला-संस्कृतिमा जति धनी छ त्यति कै खानामा पनि धनी देश हो । मात्र हाम्रो खाना बिश्वसामु चिनाउन सकिएको थिएन। सन्तोस शाहको यो कदमले धेरै हदसम्म नेपाली खाना बिश्वबजारमा चिनिने आशा राखिएको छ। उनले बनाएको करेलाको चटनीलाई एक चिजमा पाँच थरिको स्वाद भएको चटनी भनेर स्टार चटनीको नाम दिइएको छ। ब्रिटेनमा बसोबास गर्ने नेपाली मूलका सेफ सन्तोष बीबीसीबाट प्रसारण हुने विश्वकै प्रतिष्ठित हस्पिटालिटी क्षेत्रको टिभी रियालिटी शो ‘मास्टर सेफ प्रोफेशनल यूके प्रतियोगिता २०२०’ को १६ औं संस्करणमा सेमी-फाइनलमा पुग्ने सम्भबत पहिलाे नेपाली हुन ।
को हुन सन्तोष शाह ?
नेपालको सिराहा जिल्लामा जन्मिएका सन्तोष शाह आफ्नो कमजाेर आर्थिक अबस्थाको कारण गाउँमै पाउरोटी, प्लास्टिकको झोला बेचेर गुजारा गर्थे । एसएलसीमा फेल भएका शाह १४ बर्षको कलिलो उमेरमा कामको शिलसिलामा भारत छिरेका थिए । तर आफ्नो साहस र मिहिनेतका कारण ‘किचन पोर्टर’बाट रोजगारी थालेका शाहले दश वर्षभन्दा कम अवधिमा ‘इन्सटिच्यूट अफ क्याटरिंग एण्ड होटल म्यानेजमेन्टबाट ‘डिप्लोमा इन होटल एण्ड क्याटरिङ म्यानेजमेन्ट’ कोर्समात्र गरेनन्, भारतीय कम्पनीमा करिब असी जना कामदारको हेड सेफ समेत बनेर काम गरेका थिए ।
सन २०१० मा उनलाई वर्क परमिट सहित बेलायत जाने अबसर मिल्यो । उनलाई त्यहाँ भारतीय रेस्तुरेन्ट तथा होटलमा थप दश बर्ष काम गर्ने अबसर मिल्यो । पछिल्लो समयमा आएर नेपाली खानाको खोज तथा अनुसन्धान गर्नुपर्छ भनेर लागेका शाहले पहिलोपटक बिश्वलाई चकित तुल्याए । नेपाली परम्परागत खानालाई मोर्डन तरिकाबाट पस्कन सिपालु भएका कारण उनले यो सफलता पाउन कुनै गाह्राे भएन । यो प्रतियोगितामा पनि उनले बनाएको करेलाको नेपाली चटनीलाई एउटै चिजमा पाँच स्वाद पाइएको भन्दै स्टार सेफ मोनिकाले स्टार चटनी भनेर नाम दिइएकी छिन् ।
नेपालका बिबिध परिकारहरु बनाएर बेलायतका प्रख्यात ‘फुड क्रिटिक’ हरु टम पार्कर र ग्रेस डेन्टलाई चखाएपछि बिश्व चकित भएको थियो । अब बिश्वले नेपाली पाककला र खानाका बिषयमा हेर्ने नजर पनि फेरिएको छ । तपाईंले युकेको किचनमा नेपाल ल्याउनु भयो भनेर निर्णायकहरु दङ्ग परेका थिए । उनी यहाँसम्म आइपुग्दा पनि आफुलाई सफल भएको मान्छन् । आफ्नो सपना भनेको नेपाली खाना बिश्वसामु चिनाउनु थियो, चिनाउन सकेकोमा प्रशंसा बटुलेको बताए । मेहनत, लगन, सधैं अरुलाई सम्मान गर्ने र कहिल्यै ठूलो नहुने गुणले नै कलिलो उमेरमा शाह सफल सेफ बनेर देशको नाम उंचो राख्न सफल भएका छन् ।
(लेखक, सोल्टी क्राउन प्लाजा होटेलका सुसेफ हुन ।)