
काठमाडौं, चैत ६ । नेपाल यातायात व्यवसायी राष्ट्रिय महासंघले चैतको तेश्रो हप्तासम्म सार्वजनिक यातायातको भाडा समायोजन नगरे सवारी साधन नचलाउने चेतावनी दिएको छ ।
महासंघले भाडा समायोजनको लागि सार्वजनिक यातायातको भाडा बढाउन माग गरेर बिहीबार सरकारलाई ज्ञापन पत्र बुझाउँदै उक्त चेतावनी दिएको हो । पेट्रोलियम पदार्थमा गरिएको मूल्यबृद्धिको आधारमा सार्वजनिक यातायातको भाडा समायोजन गर्न माग गर्दै महासंघले भौतिक पूर्वाधार तथा यातायात मन्त्री वसन्तकुमार नेम्वाङलाई ज्ञापन पत्र बुझाएको हो ।
महासंघले विकल्पको व्यवस्था नहुँदासम्मको लागि संचालनको २० वर्ष पुगेका र संचालनमा रहेका सवारी साधनको प्राविधिक जाँच गरेर म्याद थप गरी संचालन गर्न दिन माग गरेको छ । यस्तै २० वर्षे पुराना सवारी साधनलाई विस्थापन गर्ने हो भने नयाँ सवारी साधनको आयातमा भन्सार छुट सतप्रतिशत गर्न महासंघले माग गरेको महासंघका महासचिव सरोज सिटौलाले बताएका छन् ।
महासंघको ज्ञापनपत्र बुझ्दै मन्त्री नेम्वाङले यातायात व्यवसायीले राखेका मागहरुको बारेमा पहिले यातायात व्यवस्था विभागसंग छलफल गर्ने र आवश्यक निर्णय लिईने बताए ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




