
लमजुङ, ५ जेठ । लमजुङको मस्र्याङ्दी गाउँपालिका–३ भुलभुले केन्द्रविन्दु बनाएर बुधबार बिहान ५.८ रिक्टरको भूकम्पले घर भत्किँदा विभिन्न स्थानका ४ घाइते भएका छन् ।
घाइते हुनेमा बेँसीशहर नगरपालिका–६ का ३६ वर्षीय उमा गुरुङ, वडा ११ चितीका ८३ वर्षीया खकाकुमारी पाण्डे, वडा ८ का २९ वर्षीया खुशीमाया गुरुङ र मस्र्याङ्दी गाउँपालिका–६ ठुलीबेँसीका २२ वर्षीय गोविन्द्र अधिकारी छन् । जिल्ला प्रहरी कार्यालय लमजुङका अनुसार उनीहरुमध्ये खुशीमाया र गोविन्द भने भाग्ने क्रममा चोट लाग्न पुगी घाइते भएका थिए ।
घाइतेको जिल्ला अस्पताल लमजुङमा उपचार भइरहेको छ । उनीहरुको टाउको, हातखुट्टा लगायत शरीरमा चोट लागेको छ ।
घाइते उमा घरमै सुतिरहेको अवस्थामा भूकम्प जाँदा घर भत्किएर शरीरको आधा भाग नै पुरिएको थियो । त्यसपश्चात स्थानीयवासीले उद्धार गरेर एम्बुलेन्समार्फत अस्पताल लगेका हुन् ।
उमासहित उनकी छोरी श्रृती गुरुङ पनि सोही स्थानमा सुतिरहे पनि उनी भने मर्निङवाक जाने भनेर हिँडेको १ मिनेटमै भूकम्प गएको थियो । श्रृती मर्निङवाक जाने भनेर घरबाट हिँडेकाले घाइतेबाट जोगिएको उनले बताइन् ।
उनले भनिन्, ‘घरमा ममी र म मात्र थियौँ, बाबा कामको सिलसिलामा मनाङमा हुनुहुन्छ, अब घर भत्कियो कता कसरी बस्ने भइहेको छ ।’
घाइते उनीहरुको घरसहित बेँसीशहर–१ का शम्शेर परियार, वडा ३ रानीकुवाका दीपक बराल, नवीन बराल, गोरे क्षेत्री, वडा ६ मकैडाँडाका लक्ष्मी अधिकारी, तुलबहादुर अधिकारी, टेकबहादुर अधिकारी, मस्र्याङ्दी–३ तरापुका बासुदेव खत्रीको घरमा क्षति पुगेको छ ।
त्यस्तै मध्यनेपाल नगरपालिका–७ का तीर्थराज घिमिरे, बेँसीशहर–६ कै धीरबहादुर रिमाल, बुद्धिबहादुर रिमालको घरमा क्षति पुगेको छ । यी अधिकांश घर ढुङ्गामाटा र जस्तापाताको छानोबाट बनेका हुन् ।
लमजुङसहित छिमेकी जिल्ला मनाङ, कास्की, गोरखा लगायतका जिल्लामा समेत धक्का पुगेको थियो । यो २०७२ सालको भूकम्पको परकम्प हो।








खोटाङ, ६ मङ्सिर। शिखर स्पोर्टस क्लब खार्मी खोटाङले आयोजना गरेको ‘प्रथम एक्सट्रिम शिखर स्पोर्टस कप–२०८३’…
काठमाडौं, ६ मङ्सिर। प्रधानमन्त्री वालेन्द्र शाह भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा भारतको दुईदिने राजकीय…
काठमाडौं, ५ मङ्सिर । तेस्रो प्रयासमा अन्ततः सुदूरपश्चिम रोयल्सले नेपाल प्रिमियर लिग (एनपीएल) २०२६ को…
काठमाडौं, ५ मङ्सिर। प्रधानमन्त्री वालेन्द्र शाह आइतबार दिउँसो भारतको राजकीय भ्रमणमा जानुहुने भएको छ ।… 




