नयाँ जिप कम्पास फेसलिफ्ट सार्वजनिक

-



     सफल आवाज    
     असार २३ गते २०७८ मा प्रकाशित



काठमाडौं, २३ असार । एमएडब्लु लाइफले नयाँ जिप कम्पास फेसलिफ्ट सार्वजनिक गरेको छ । नेपालका लागि एसयुभिको आधिकारीक बिक्रेता रहेको एमएडब्लु लाइफले नयाँ जिप कम्पास नेपालमा सार्वजनिक गरेको हो ।

नयाँ गाडी आकर्षक डिजाईनमा निर्माण गरिएको छ । यो गाडी नयाँ एसयुभि स्पोर्ट, लंगिच्युट, लिमिटेड र एस मोडलसहित चार ट्रिम र आठवटा भेरियन्टमा पाईन्छ ।

गाडीमा इन्फोटेन्मेन्ट सिस्टम, वायरलेस एप्पल कारप्ले, एन्ड्रोइड अटो रहेको छ । यसमा अटोमेटिक क्लाइमेट कन्ट्रोल, पावर टेलगेट, क्यामेरा र आरामदायी सिटको प्रबन्ध गरिएको छ ।

डिजेल भेरिन्टको यस गाडीमा अटो, स्नो, स्यान्ड तथा मड मोड रहेका छन् । यसको मूल्य ८४ लाख ९० हजारदेखि १ करोड ३६ लाख ९० हजार सम्म रहेको छ ।