सेगवे-नाइनबटको ‘बिजुली स्कुटर ई-१००’ सार्वजनिक

-



     सफल आवाज    
     माघ १४ गते २०७८ मा प्रकाशित



काठमाडौं, १४ माघ । नेपालमा सेगवे–नाइनबोट कम्पनीले स्मार्ट बिजुली स्कुटर ई १०० सार्वजनिक गरेको छ । कम्पनीले आकर्षक डिजाइन, नयाँ शैली र मौलिक विद्युतीय स्कुटर सेगवे ई-१०० नेपालमा सार्वजनिक गरेको हो ।

सेगवे नाइनबोटको लागि नेपालमा आईहव प्रालि आधिकारिक आयातकर्ता एवम् वितरक कम्पनी बनेको छ । आइहब प्रालिका निर्देशक तथा सञ्चालक लोकेश ओलीका अनुसार नेपालमा सेगवेलाई विद्युतीय सवारी साधनको साथ स्वच्छ र सुरक्षित पर्यायवरण प्रवर्द्धन गर्ने उद्देश्यले स्कुटर सार्वजनिक गरिएको हो ।

सेगवेले नेपाली बजारमा ई-१०० माघको तेस्रो हप्तादेखि उत्पादक वारेन्टीका साथ उपलब्ध गराउँदैछ । आइहब प्रालिले भविष्यमा योबाहेक सेगवे विद्युतीय स्कुटरका अन्य मोडलहरू समेत सार्वजनिक गर्ने जनाएको छ ।

उत्कृष्ट सुरक्षा सुविधाहरूका साथ आउने सेगवे ई-१०० चालक नबसेसम्म स्टार्ट हुँदैन । त्यसैगरी, स्कुटरको स्ट्यान्ड नउठाउँदासम्म यो चल्दैन । सेगवे ई-१००मा किलेस सिस्टम छ । यसमा साँचोबाहेक रिमोट कन्ट्रोलमा दुईवटा बटनहरू छन् । एउटाले स्कुटरलाई अन-अफ मोडमा राख्छ भने अर्कोले स्कुटरलाई लक गर्न मद्दत गर्छ ।