टाटा टियागोले बेच्याे ४ लाख वटा गाडी

-



     सफल आवाज    
     जेठ १ गते २०७९ मा प्रकाशित



काठमाडाैं, १ जेठ । भारतीय अटोमोबाइल कम्पनी टाटा मोटर्सको टाटा टियागो ४ लाख वटा बिक्री भएकाे छ । टाटा मोटर्सको भारतको गुजरातस्थित सनान्द प्लान्टबाट बिहीबारसम्म ४ लाख औं टियागो बिक्रीको लागि बाहिरिएको थियो।

टियागो एक मानक हृयाचब्याग हो, जसले ग्लोबल एनक्याप सुरक्षा परीक्षणमा चार स्टार रेटिङ पाएको छ । टाटा मोटर्सको उत्पादनमध्ये यो कोशेढुंगा पार गर्ने टियागो पहिलो गाडी हो ।

टाटा टियागो पहिलो पटक सन् २०१६ मा सार्वजनिक भएको थियो । सार्वजनिक भएदेखि नै गाडीले राम्रो बजार पायो । यो गाडी हरेक उमेरका खरिदकर्ताको लागि उपयुक्त छ । टियागो सुरक्षा र विशेषताहरूसँगै स्टाइल र आवरणका कारण पनि विशेष रहेकाे कम्पनीकाे दाबी छ ।