लकडाउनको अवधिमा ६३ प्रतिशत उद्योग बन्द, ६० प्रतिशत कामदार बिना तलब निष्काशित

-



     सफल आवाज    
     असार २६ गते २०७९ मा प्रकाशित



काठमाडौं, २६ असार । कोरोना महामारीका सिर्जित लकडाउनको अवधिमा ६३ प्रतिशत उद्योग तथा प्रतिष्ठान बन्द भएको पाइएको छ ।

केन्द्रीय तंथ्यांक विभागले सार्वजनिक गरेको राष्ट्रिय औद्योगिक सर्वेक्षण २०७६ मा १३ हजार १४५ उद्योग तथा प्रतिष्ठान समेटिएको छ ।

विभागका अनुसार कोभिड–१९ को महामारीको समयमा सरकारले गरेको करिब महिनाको लकडाउन अवधिमा करिब ६३ प्रतिशत उद्योग प्रतिष्ठानहरु पूर्णरुपमा बन्द भएको सर्वेक्षणले देखाएको छ ।

यसैगरी २४ प्रतिशत उद्योग प्रतिष्ठानहरु आंशिकरुपमा संचालनमा रहेको र बाँकी १३ प्रतिशत उद्योग प्रतिष्ठानहरु पूर्णरुपमा संचालनमा रहेको सर्वेक्षणले देखाएको छ ।

लकडाउनको समयमा करिब १७ प्रतिशत कामदारहरुले बिनासुविधा स्थायीरुपमा आफूले गरिरहेको काम छोडेको सर्वेक्षणले देखाएको छ । ६० प्रतिशत कामदारहरुले बिना तलब, सुविधा अस्थायीरुपमा कामबाट अलग हुनुपरेको देखिएको छ ।

त्यसैगरी ११ प्रतिशत कामदारहरुको तलब, सुविधा आंशिकरुपमा कटौती भएको र बाँकी १२ प्रतिशत कामदारले तलब, सुविधा निर्धारित समय भन्दा ढिला पाएको सर्वेक्षणले देखाएको छ ।