विश्व कीर्तिमान कायम गरेको मोटरहेड बाइक अब दुलेगौँडामै

-



     सफल आवाज    
     श्रावण ५ गते २०७९ मा प्रकाशित



तनहुँ, ५ साउन। मोटरहेड ब्राण्डका नयाँ बाइकहरु अब तनहुँको दुलेगौँडा बजारमा नै उपलब्ध भएको छ । बिनासर्भिसिङ सर्वाधिक दुरीमा गुडेर विश्व कीर्तिमान कायम गरेको मोटरहेड बाइकको शोरुम दुलेगौँडाका विजय थापाले सञ्चालनमा ल्याएका हुन । ग्रामीण क्षेत्रका लागि अति उपयुक्त हुने मोटरहेडका बाइकले ग्राहकलाई आकर्षित गराउँदै जान थालेको सञ्चालक थापाले जानकारी दिए ।

उनले अन्य बाइकको तुलनामा यो बाईक तुलनात्मक रुपमा सर्वसुलभ र टिकाउ रहेको दावी गरे । ‘स्कुटरको मूल्यमा त यो बाइक नै आउँछ’ थापाले भने, ‘नेपालका २० शहरमध्ये दुलेगौँडामा पहिलो पटक सेवा प्रदान गरिएको हो ।’

उनका अनुसार यो बाईकको सात वटा प्रकार बजारमा पाईन्छ । तीन लाखदेखि चार लाख ५० हजारसम्म मूल्य रहेका मोटरहेडका बाईकहरु यस क्षेत्रका ग्राहकहरुलाई उपयुक्त रहेको अशाेक विश्वकर्माले जनाएका छन् ।

चिनमा उत्पादन भएको यो कम्पनीका बाईकहरुको मर्मतका लागि समेत आवश्यकका सामाग्रीहरु सहजै प्राप्त गर्न सकिने भएकाले ग्राहकको रोजाईमा बृद्धी भएको हुनसक्ने सञ्चालक थापाको विश्वास छ । अधिकांश अन्य कम्पनीका बाइक चढ्नेहरुहरुले साटफेरका लागि आउने गरेको जानकारी दिँदै छिट्टै व्यवस्थापन पक्षलाई प्रभावकारी बनाएर सेवा दिने तयारी गरेकाे थापाले बताए ।