ट्राफिक प्रहरीलाई २ सय थान स्मार्ट लाइसेन्स रिडर हस्तान्तरण

-



     सफल आवाज    
     कार्तिक ३ गते २०७९ मा प्रकाशित



काठमाडौं, ३ कात्तिक । ट्राफिक प्रहरीलाई २ सय थान स्मार्ट कार्ड रिडर मेसिन उपलब्ध गराइएको छ । हालै यातायात व्यवस्था विभागले ट्राफिक प्रहरीलाई ती मेसिन उपलब्ध गराएको हो ।

विभागले बुधबार उक्त परिमाणको लाइसेन्स रिडर मेसिन ट्राफिक प्रहरीलाई हस्तान्तरण गरेको हो । लाइसेन्स स्मार्ट भए पनि तेयलाई रिड गर्ने मेसिन अभावमा खासै प्रभावकारी हुन सकेको थिएन । हालसम्म २९ लाख ४५ हजार स्मार्ट लाइसेन्स छपाई भएर वितरण गरिसके पनि ट्राफिकसँग रिड गर्ने मेसिन नभएका कारण त्यसको प्राविधिक औचित्य कायम हुन सकेको थिएन ।

एशियाली विकास बैंकको अनुदान सहयोगमा नेपाल सरकारद्वारा सञ्चालन भएको विभागको सूचना तथा सञ्चार प्रविधि आयोजनाअन्तर्गत ८४ लाख १८ हजार ६ सय ९६ बराबरको २०० थान स्मार्ट कार्ड रिडर र २०० थान स्याम कार्ड प्राप्त भएको ट्राफिक प्रहरीले जनाएको छ ।