
काठमाडौं, १६ फागुन । नेपाली विद्युतीय मोटरसाइकल ब्राण्ड यात्रीले आफ्नो पी-१ मोडलको २०२३ संस्करण ल्याउने भएको छ । कम्पनीले यो मोटरसाइकला २०२१ को अन्तिम तिर सर्वसाधारणका लागि बिक्री खुला गरेको थियो ।
अब भने कम्पनीले सोही पी-१ मोडललाई केही फिचर अपग्रेड गरेर बजारमा ल्याउने भएको हो । यसको मुख्य अपग्रेड एक पटकको चार्जमा यसले दिने रेन्जमा हुन लागेको बताइएको छ । यसअघि यो मोटरसाइकलले एक पटकको चार्जमा ११० किलोमिटर रेन्ज दिने गरेकोमा अब यसलाई बढाएर २०० किमि रेन्ज दिनेगरी ल्याउन लागिएको कम्पनीको भनाइ छ ।
यात्रीले सुरुमा केही थान मोटरसाइकल बेचेकोमा यसको अत्यधिक माग बढेपछि केही समयअघि कर्मचारी सङ्ख्या बढाएर उत्पादन बढाउन थालेको छ । माग अनुसार कम्पनीले आपूर्ति गर्न सकेको छैन । अझै पनि ६ महिनाअघि प्रि बुकिङ गरेर ६ महिनापछि मोटरसाइकल हात पर्ने स्थिति छ ।
नेपालको बाटो सुहाउँदो र नेपालमै बनेकोले पनि यसप्रति युवावर्गको आकर्षण बढ्दो रहेको छ । कम्पनीले अहिले सडकमा गुडिरहेका आफ्न १ सयभन्दा धेरै ग्राहकबाट मोटरसाइकको पर्फर्मेन्स र गर्नुपर्ने सुधारबारे सुझाव लिएर त्यसै अनुसार अपग्रेड गर्न लागेको जनाएको छ ।
अन्य विदेशी मोटरसाइयकलको तलनामा सुरुवाती मूल्य अलि बढी भएको भन्ने प्रतिक्रिया आइरहेका बेला अब भने कम्पनीले फिचर र रेन्ज अपग्रेड गर्ने तर मूल्य नबढाउने रणनीति लिएको छ । यस हिसाबले हेर्दा यो मोटरसाइकलप्रति मानिसको धारणा अझै सकारात्मक बन्ने देखिन्छ ।
यसबाहेक कम्पनी इलेक्ट्रिक स्कूटर निर्माणमा पनि लागेको छ । अबको ४ महिना भित्रमा कम्पनीले यात्री पी-२ नामक इलेक्ट्रिक स्कूटर सार्वजनिक गर्ने गरी तयारी गरिरहेको बुझिएको छ ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




