पूर्णब्रह्म कबीर उपासक समाजद्वारा विशाल शोभा यात्रा आयोजना

-



     सफल आवाज    
     फागुन १७ गते २०७९ मा प्रकाशित



धनुषा, १७ फागुन । जगतगुरु तत्वदर्शी सन्त रामपालजी महाराजको सान्निध्यमा फागुन १६ गते उनका अनुयायीहरु द्वारा शोभा यात्रा निकालिएङ्को छ । पूर्णब्रह्म कबीर उपासक समाज नेपालको आयोजनामा जनकपुर जलेश्वर हुँदै आध्यात्मिक चेतना एवं सतगुरु शोभा यात्रा निकालिएको हो।

यही फागुन १८, १९ र २० गते सतलोक आश्रम धनुषामा आदरणीय सन्त गरीबदास जी महाराजको बोध दिवसको उपलक्ष्यमा हुन गैरहेको अखण्ड पाठ, विशाल भण्डारा, रक्तदान, दाइजो रहित विवाह कार्यक्रममा सहभागिताका लागि सार्वजनिक रुपमा सम्पूर्ण देशवासी लाई निमन्त्रणा दिनका दागि उक्त शोभायात्रा निकालिएको हो ।

कबीर साहेबको र सन्त रामपाल जी महाराजको जयकारा लगाउँदै उक्त शोभा यात्रा अगाडि बढेको हो । हजारौंको संख्यामा मोटरसाइकल, भेन, जीप, कार, ट्रक आदि सजाएर चेतना यात्रामा सहभागी गराइएका थिए । पहिलो गाडीमा भने एकदमै सजावटका साथ सन्त रामपालजी महाराजको स्वरुप राखिएको थियो ।

यस यात्राको माध्यमले समाजलाई नशामुक्ति,दाइजो प्रथा उन्मूलन, भ्रष्टाचारको अन्त्य जस्ता अति आवश्यक सन्देश दिने श्रद्धालु हरुले बताएका छन् ।

विकृतिहरुले ग्रस्त वर्तमान समाजमा आध्यात्मिक ज्ञानको चेतना जगाई समाजलाई कुलत, दाइजो प्रथा, बली प्रथा, अन्धविश्वास, पाखण्ड्वाद जस्ता सामाजिक विकृतिहरु बाट मुक्त गर्ने उद्देश्यले यो शोभा यात्रा निकालिएको कुरा सन्त रामपालजी महाराजका अनुयायीहरुले जनाएका छन् ।

स्वच्छ,सभ्य,आध्यात्मिक समाज निर्माण गरेर सर्व मानव लाई सुखी बनाउने र पूर्ण मोक्ष प्रदान गर्ने उद्देश्यले संत रामपाल जी महाराजले अथक प्रयत्न गरिरहेको र त्यसमा सफलता पनि प्राप्त भैरहेको जानकारी अनुयायीहरुले दिएका छन् । सतलोक आश्रम धनुषा बाट निकालिएको उक्त शोभा यात्रा जनकपुर,जलेश्वर हुँदै सतलोक आश्रम मा नै पुगेर समापन भएको छ।