
काठमाडौं, ३ चैत । सेगवेले आफ्नो नयाँ मोडलको स्कुटर सार्वजनिक गरेको छ । कम्पनीले सेगवे ई-३०० एसई प्रिमियम नामको नयाँ इलेक्ट्रिक स्कुटर अन्तर्राष्ट्रिय बजारमा सार्वजनिक गरेको हो ।
१२५ सीसी बराबरको क्षमता भएको यो विद्युतीय स्कुटरले आकर्षक रेन्ज प्रदान गर्ने कम्पनीङ्को दावी छ । यो स्कुटर कम्पनीको यसअघि आएका ई-११० र ई-१२५ मोडलहरुभन्दा अब्बल स्तरको रहेको छ । यो नयाँ स्कुटरलाई मोपेडका रुपमा वर्गीकरण गरिएकाले मोपेडको लाइसेन्स मात्र हुनेले पनि यसलाई चलाउन सक्छन् ।
कम्पनीले यसमा हब माउन्टेड इलेक्ट्रिक मोटर दिएको छ जसले ६५ माइल अर्थात् १०४ किलोमिटर प्रति घन्टाको गति प्रदान गर्ने कम्पनीको दावी छ । यो स्कुटरलाई ५०.३१ सेकेन्डमा शून्यदेखि २ किलोमिटरसम्म गुडाउन सकिन्छ । यसमा ३ वटा ब्याट्री जडान गर्न पनि मिल्छ भने यसो गरेको खण्डमा यसले एक पटकको चार्जमा १३० किलोमिटरसम्म रेन्ज दिने कम्पनीले जनाएको छ ।
सेगवे नेपालमा पनि अत्याधिक रूपमा रुचाइएको ब्रान्डमध्येमा पर्दछ जसलाई नेपालमा आइ हब प्रालिले आधिकारिक रुपमा बिक्री वितरण गर्दै आएको छ । आई हबले नेपालमा पछिल्लो समय सेगवे नाइनबटका ४ मोडलका स्कुटर बिक्री वितरण गर्दै आएको छ ।
तीमध्ये ई-१००, एन-१००, ई-११० एल र ई-१२५ को मूल्य क्रमशः २ लाख ९१ हजार, २ लाख ६० हजार, ३ लाख ६५ हजार र ३ लाख ९१ हजार रुपैयाँ रहेको कम्पनीको भनाइ छ ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




