हिमालय अर्गनाइजेसन र गोर्खाज फाइनान्सबीच ८० प्रतिशतसम्म सवारी कर्जा उपलब्ध गराउने सम्झौता

-



     सफल आवाज    
     असाेज ९ गते २०८३ मा प्रकाशित



काठमाडौं, ९ असाेज। नेपालमा वातावरणमैत्री, आधुनिक र दिगो यातायात सेवालाई प्रवर्द्धन गर्ने उद्देश्यका साथ हिमालय अर्गनाइजेसन र गोर्खाज फाइनान्स लिमिटेडबीच सवारी कर्जासम्बन्धी रणनीतिक सम्झौता भएको छ।

यस सम्झौतासँगै अब ग्राहकहरूले हिमालय अर्गनाइजेसनद्वारा बिक्री-वितरण गरिने सम्पूर्ण कमर्सियल तथा विद्युतीय सवारी साधनको खरिदमा ८० प्रतिशतसम्म सहज र झन्झटरहित फाइनान्सिङ सुविधा प्राप्त गर्नेछन्। सम्झौता पत्रमा हिमालय अर्गनाइजेसनका प्रमुख कार्यकारी अधिकृत (सिइओ) कपिल सिवाकोटी र गोर्खाज फाइनान्सका सिइओ ज्ञानेन्द्र इवाहाङले हस्ताक्षर गरेका हुन्।

कर्जा सुविधाका मुख्य विशेषताहरू

  • कर्जा सीमा र अवधि: प्रतिस्पर्धी ब्याजदरमा ७ वर्षसम्मको लचिलो भुक्तानी अवधिसहित ८० प्रतिशतसम्म सवारी कर्जा उपलब्ध हुनेछ।
  • द्रुत प्रक्रिया: आवश्यक सम्पूर्ण कागजात पेस भएको ३ देखि ५ कार्यदिनभित्र कर्जा स्वीकृत हुने व्यवस्था मिलाइएको छ।
  • देशव्यापी पहुँच: गोर्खाज फाइनान्सका देशभर रहेका सम्पूर्ण शाखा सञ्जालमार्फत यो सुविधा तुरुन्तै लागू हुनेछ।

हिमालय अर्गनाइजेसनद्वारा बिक्री गरिने ब्रान्डहरू

पोखरामा कर्पोरेट र काठमाडौँको गैह्रीधारामा प्रमुख कार्यालय रहेको हिमालय अर्गनाइजेसनले विश्वविख्यात अन्तर्राष्ट्रिय ब्रान्डका सवारी साधनहरू बिक्री-वितरण गर्दै आएको छ:

  • म्याक्सस (Maxus): ‘साइक मोटर’को यो प्रिमियम पिकअप शक्तिशाली ब्याट्री, फोर-ह्विल ड्राइभ, सनरुफ, एयर सस्पेन्सन र उच्च सुरक्षा मापदण्डका लागि परिचित छ।
  • डोङफेङ (Dongfeng): १,२०० रुपैयाँको चार्जमा ३०० देखि ४५० किमीसम्म रेन्ज दिने यी इलेक्ट्रिक बसहरू सहरी तथा शिक्षण संस्थाका लागि उपयुक्त छन्। २६ देखि ५० सिट क्षमताका ७ देखि १२ मिटरसम्मका बसहरू परीक्षण र बुकिङका लागि उपलब्ध भइसकेका छन्।
  • हुबेई ट्राइ-रिङ (Tri-Ring): ४ देखि ३१ टनसम्म क्षमताका यी विद्युतीय ट्रक तथा टिपरहरूले १,५०० रुपैयाँको चार्जमा ३५० देखि ४५० किमीसम्मको रेन्ज दिन्छन्।
  • फोर्स मोटर्स (Force Motors): दक्षिण एसियामै मजबुत बनावट र उत्कृष्ट इन्धन दक्षताका लागि चर्चित यसका माइक्रोबस र ढुवानी साधन नेपालको भौगोलिक बनोटका लागि लोकप्रिय मानिन्छन्।

यस साझेदारीले मुलुकभर गुणस्तरीय हरित कर्जा विस्तार गर्दै यातायात व्यवसायी, उद्यमी तथा संस्थागत ग्राहकहरूलाई आर्थिक रूपमा सक्षम बनाउने दुवै संस्थाले विश्वास लिएका छन्।