एमजीले सय किलोवाट क्षमताको विद्युतीय गाडी ल्याउने

-



     सफल आवाज    
     फागुन ६ गते २०७९ मा प्रकाशित



काठमाडौं, ६ फागुन । नेपालका लागि एमजि गाडीको आधिकारिक विक्रेता पारामाउन्ट मोर्टसले नेपालमा १ सय किलोवाट क्षमताको विद्युतीय गाडी ल्याउने भएकाे छ ।

बीवाईडीले १ सय किलोवाटको एटो ३ ल्याउने बताएपछि एमजिले पनि सय किलोवाट क्षमताको उक्त गाडी नेपालमा ल्याउन लागेकाे हाे ।

एमजीकाे १ सय किलोवाट क्षमताकाे गाडी आएपछि इभिमा बिवाईडी एटो थ्रि र हुन्डाइ यी तिनवटै बीच टक्कर पर्ने भएकाे छ । आधिकारिक विक्रेता पारामाउन्ट मोर्टसले छिट्टै नयाँ गाडी सार्वजनिक गर्ने बताएकाे छ ।

बिवाईडीले सय किलोवाटको गाडीकाे मूल्य ६४ लाख पर्ने जनाएकाे छ । एमजीले ल्याउन लागेको जेड एस गाडीको मूल्य ६० लाख वरपरकाे हुने जनाइएकाे छ ।