
काठमाडौं, ४ भदौ। उपलब्ध वैदेशिक सहायताको प्रभावकारी उपयोग गर्दै मुलुकको खर्च क्षमता बढाउनुपर्नेमा अर्थमन्त्री स्वर्णिम वाग्लेले जोड दिनुभएको छ। सार्वजनिक लेखा समितिको आजको बैठकमा बोल्दै उहाँले अन्तर्राष्ट्रिय क्षेत्रबाट प्राप्त हुने अनुदान घट्दो क्रममा रहेको र सोचेअनुरूप खर्च हुन नसकेको वास्तविकता प्रस्तुत गर्नुभयो।
चालु बजेटमा रु २ खर्ब ४७ अर्ब वैदेशिक ऋण र रु ६२ अर्ब अनुदान प्राप्त हुने प्रक्षेपण गरिए पनि अनुदानको वास्तविक प्राप्ति रु १० देखि १५ अर्बमा मात्र सीमित हुने स्थिति रहेको अर्थमन्त्री वाग्लेले जानकारी दिनुभयो।
नेपाल अतिकम विकसित मुलुकबाट स्तरोन्नति हुने क्रममा रहेकाले आगामी दिनमा विश्व बैंक र एसियाली विकास बैंक जस्ता निकायबाट विगतमा जस्तै सहुलियतपूर्ण ऋण पाउन कठिन हुने उहाँको भनाइ थियो। बितेका ५० वर्षमा नेपालले ठूलो मात्रामा सहुलियतपूर्ण ऋण पाएको भए पनि खरिद प्रक्रियाको जटिलता, प्रशासनिक ढिलासुस्ती र कमजोर खर्च क्षमताका कारण त्यसको सही उपयोग हुन नसकेको उहाँले उल्लेख गर्नुभयो।
बैठकमा प्रस्तुत अन्य प्रमुख विषय:
- महालेखापरीक्षक तोयम राय: वैदेशिक सहायतामा सञ्चालित परियोजनाहरूको बजेट समयमै खर्च हुने उपयुक्त वातावरण बनाउनुपर्नेमा जोड।
- सहसचिव विष्णु ज्ञवाली (महालेखा नियन्त्रक कार्यालय): हाल वैदेशिक सहायताअन्तर्गत कूल रु १४ अर्ब ९२ करोड लागतका १५२ वटा आयोजना सञ्चालनमा रहेको जानकारी।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




