
पोखरा, ३ मंसिर । गण्डकी प्रदेश सरकार, स्वास्थ्य मन्त्रालयले प्रदेशको स्वास्थ्य क्षेत्रमा उत्कृष्ट कार्य सम्पादन गर्ने १४ जना स्वास्थ्यकर्मी तथा कर्मचारीहरूलाई सम्मान गर्ने भएको छ।
आर्थिक वर्ष २०८२/०८३ मा सम्पादित स्वास्थ्य कार्यक्रमहरूको वार्षिक समीक्षा कार्यक्रमको अवसर पारेर मन्त्रालयले उनीहरूलाई सम्मान गर्न लागेको हो।
निमित्त प्रदेश सचिव सुरज गुरौका अनुसार यही मंसिर ४ गते (२०८३/०८/०४) आयोजना हुने एक विशेष समारोहका बीच छनौट भएका कर्मचारीहरूलाई सम्मान गरिनेछ।
उत्कृष्ट कर्मचारी छनौट तथा सिफारिस गर्न गठित समितिको सिफारिस, सम्बन्धित कर्मचारीको कार्यसम्पादन, स्वःप्रेरित सेवाभाव र सरोकारवालाहरूको सुझावका आधारमा मन्त्रालयले मंसिर २ गतेको माननीय मन्त्रीस्तरीय निर्णयबाट उनीहरूको नाम छनौट गरेको गुरौले जानकारी दिनुभयो।
मन्त्रालयले सम्मानका लागि छनौट भएका सम्पूर्ण कर्मचारीहरूलाई बधाई ज्ञापन गर्दै कार्यक्रममा अनिवार्य सहभागिताका लागि अनुरोध समेत गरेको छ।
सम्मानका लागि छनौट भएका १४ कर्मचारीहरूको नामावली:
१. डा. शिशिर देवकोटा – मेडिकल सुपरिटेण्डेन्ट, प्रदेश अस्पताल, लमजुङ
२. डा. प्रदिप कुमार दास – कन्सल्टेन्ट मेडिकल जनरलिष्ट, प्रदेश अस्पताल, मुस्ताङ
३. डा. विजय ओझा – कन्सल्टेन्ट अब्स्ट्रेट्रीक्स एण्ड गाइनेकोलोजिष्ट, धौलागिरी प्रादेशिक अस्पताल, बागलुङ
४. डा. राजेश पौडेल – कन्सल्टेन्ट मेडिकल जनरलिष्ट, गलकोट नगर अस्पताल, बागलुङ
५. डा. दिनेश थापा – कन्सल्टेन्ट मेडिकल जनरलिष्ट, बुर्तिवाङ अस्पताल, बागलुङ
६. डा. दीक्षा पौडेल – आयुर्वेद शल्य चिकित्सक, गण्डकी आयुर्वेद अस्पताल, कास्की
७. डा. सागर थापा – मेडिकल अधिकृत, साल्मेभञ्ज्याङ स्वास्थ्य चौकी, क्व्होलासोथार गा.पा., लमजुङ
८. केशव प्रसाद चापागाई – जनस्वास्थ्य प्रशासक, प्रदेश जनस्वास्थ्य कार्यालय, नवलपरासी (बर्दघाट सुस्ता पूर्व)
९. शान्ति भण्डारी – वरिष्ठ नर्सिङ अधिकृत, मध्यविन्दु प्रादेशिक अस्पताल, नवलपरासी (बर्दघाट सुस्ता पूर्व)
१०. प्रविण भण्डारी – सहायक तथ्यांक अधिकृत, प्रादेशिक स्वास्थ्य तालिम केन्द्र, पोखरा
११. लालदेवी गर्बुजा – सि.अ.हे.व., भुरुङ तातोपानी स्वास्थ्य चौकी, अन्नपूर्ण गा.पा., म्याग्दी
१२. मानसिङ पुन – हेल्थ असिस्टेन्ट, सेरावाङ आधारभूत स्वास्थ्य केन्द्र, ढोरपाटन न.पा., बागलुङ
१३. रज्जना राई – अ.न.मी., लार्केबजार स्वास्थ्य चौकी, चुमनुब्री गा.पा., गोरखा
१४. बैकुण्ठ भण्डारी – कार्यालय सहयोगी, स्वास्थ्य मन्त्रालय, गण्डकी प्रदेश









नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




