तरलता खिच्दै राष्ट्र बैंक, २ खर्बको निक्षेप संकलन उपकरण निष्काशन

-



     सफल आवाज    
     मंसिर ४ गते २०८३ मा प्रकाशित



काठमाडौं, ४ मंसिर। बैंकिङ प्रणालीमा अधिक तरलता कायमै रहेपछि नेपाल राष्ट्र बैंकले आज २ खर्ब (२०० अर्ब) रुपैयाँ बराबरको निक्षेप संकलन उपकरण बोलकबोलमार्फत निष्काशन गर्ने भएको छ। बैंकको मौद्रिक व्यवस्थापन विभागले आगामी २८ दिन अवधिका लागि उक्त उपकरण जारी गर्न लागेको हो।

केन्द्रीय बैंकले आज प्रकाशित गरेको सूचनाअनुसार बोलकबोलमा सहभागी हुन चाहने बैंक तथा वित्तीय संस्थाहरूले आज अपराह्न २:०० बजेसम्म राष्ट्र बैंकको अनलाइन बिडिङ सिस्टम (OBSS) मार्फत आवेदन दिनुपर्नेछ।

ब्याजदर, भुक्तानी र सीमा बोलकबोलको माध्यमबाट निर्धारण हुने ब्याजदरमा निक्षेप संकलन गरिनेछ भने संकलित निक्षेपको साँवा तथा ब्याज आगामी पुस ३ गते भुक्तानी हुनेछ। बोलकबोलमा न्यूनतम १० करोड रुपैयाँदेखि अधिकतम १० करोड रुपैयाँले निःशेष भाग जाने गरी कुल आह्वान गरिएको २ खर्ब रुपैयाँसम्मका लागि बोल गर्न सकिने व्यवस्था छ।

बाँडफाँट प्रक्रिया र सहभागी संस्था निक्षेप संकलनका लागि आह्वान गरिएको रकम बाँडफाँट गर्दा बोलपत्रमा उल्लेख गरिएको सबैभन्दा कम ब्याजदरलाई पहिलो प्राथमिकतामा राखी क्रमशः बाँडफाँट गरिनेछ। समान ब्याजदर उल्लेख भएका बोलबाट कुल निष्काशित रकमभन्दा बढी माग आएमा दामासाही (प्रो–राटा) का आधारमा बाँडफाँट गरिने राष्ट्र बैंकले जनाएको छ।

उक्त बोलकबोलमा नेपाल राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन्। बोलकबोलमा निक्षेपकर्ताले जम्मा गर्न चाहेको रकम र ब्याजदर स्पष्ट उल्लेख गर्नुपर्नेछ। स्वीकृत बोलपत्रबापतको रकम सम्बन्धित संस्थाको राष्ट्र बैंकमा रहेको खाताबाट खर्च गरी लिइने र संकलित निक्षेपका लागि छुट्टै खाता खोली जम्मा गरिने केन्द्रीय बैंकले स्पष्ट पारेको छ।

निक्षेप संकलन उपकरणको मुख्य विवरण:

विवरणजानकारी
निष्काशन रकम२ खर्ब (२०० अर्ब) रुपैयाँ
अवधि२८ दिन
बोलकबोल समयआज अपराह्न २:०० बजेसम्म (OBSS मार्फत)
साँवा तथा ब्याज भुक्तानीआगामी पुस ३ गते
बोल सीमान्यूनतम १० करोडदेखि अधिकतम कुल आह्वान रकमसम्म
सहभागी संस्थाइजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था