
‘सयौं डाँडा काटी गयौ, सात समुद्र पारी गयौ
शुन्य पारी गाउँघर, तिम्ले माया मारी गयौ’
गुल्मीका विष्णुकुमार गिरी आफैं सयौं डाँडा काटेर सात समुद्र पारी जापान पुगे । अनि गाउँघर शुन्य पारेर माया मार्नेहरुको कथा गीतमा लेखे । गिरीको यही गीत बिबी अनुरागीको संगीत र शिशिर योगीको आवाजमा हालै सार्वजनिक आएको छ ।
गिरी १२ वर्षअघि जापान पुगेका हुन् । जापानमा नेपाली स्वादको रेष्टुरेन्ट व्यवसायमा उनी व्यस्त छन् । यही व्यस्तताका बीच उनी आफ्ना भावना बेला बेला कलममार्फत् पोख्ने गर्छन् । उनले ९ वर्षअघि लेखेको यो गीत पहिलो कोसेलीका रुपमा सांगीतिक बजारमा आएको हो ।
परदेशमा हुँदा आफ्नो गाउँघर र आफन्तले सम्झेर पठाउने सन्देश तथा व्यक्त गर्ने भावलाई गिरीले आफ्नै अनुभूतिसहित मार्मिक ढंगले गीतमा पोखेका छन् । उनको सुन्दर शब्द सृजनालाई बिबी अनुरागीको कुशल संगीत र शिशिर योगीको जादुमयी आवाजले कर्णप्रिय बनाएको छ । अहिलेको वास्तविकता झल्कने यो गीत सन्देशमुलक समेत बनेको छ ।
करिब सात मिनेट लामो गीतमा नेपालका विभिन्न जिल्लाका गाउँ घरदेखि काठमाडौं हुँदै जापान र अमेरिकासम्मका दृश्य छन् । कोरोना भाइरसको महामारीका कारण चाहेजस्तो भिडियो खिच्न नपाएको उनी सुनाउँछन् ।
‘अहिलेको अवस्थामा टिम लिएर छायांकन गर्न कठिन हुने भएकाले विभिन्न ठाउँ र समयका क्लिप राखेर कभर भिडियोको रुपमा गीत तयार गर्नु पर्याे,’ उनले भने ।
गीतको लिंक : www.youtube.com/watch?v=fP3cJLUEcN4








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




