एसयूभी कुशाक नेपाली बजारमा छिट्टै सार्बजनिक गरिदैं, कति छ मूल्य ?

-



     सफल आवाज    
     श्रावण ९ गते २०७८ मा प्रकाशित



काठमाडौं, ९ साउन । स्कोडाको नयाँ एसयूभी कुशाक गाडी अब छिट्टै नेपालमा सार्वजनिक गर्ने तयारी भईरहेको छ । यो गाडी नेपालमा आईसकेको भएपनि औपचारीक रुपमा बजारमा पठाईएको छैन ।

गत वैशाखमा ल्याएर सार्वजकि गर्ने भनिएकाे थियाे । तर काेराेनाकाे कारण सरकारले जारि गरेकाे निषेधाले सार्वजिनीकरणकाे कार्रक्रम पछि धकेलिएको हो । स्कोडाको नेपालका लागि आधिकारी बिक्रेता एमएडव्लु इन्टरप्राईजेज प्रालिले आउने सातााबाट कुशाक गाडीको टेष्ट ड्राईभिङ हुने भएको छ ।

कुशाकको नेपालका लागि बुकिङ खुल्ला भने भईसकेको छ । यो गाडी एक्टिभ, एम्बिसन र स्टाइल गरी तीन किसिममा पाउन सकिने छ । एसयूभी सेग्मेन्टमा रहेका गाडीहरुबीच टक्कर हुने भएको छ । भारतमा सार्वजनिक नहुँदै चर्चा कमाईसकेको गाडीको सार्वजनिक हुनु पहिले नेपालमा पनि चर्चा हुन थालेको छ । अरु कम्पनीका एसयूभी मोडलका गाडीहरु पनि भएकोले कुशाकले राम्रो छाप बनाउने अपेक्षा गरिएको छ ।

स्कोडा कुशाक गाडी नेपालमा ५ वटा मोडलमा सार्वजनिक हुनेछ । यसको शुरुवाति मूल्य ४९ लाख ९० हजार रहेको छ । एम्बिसनको ५३ लाख ९० हजार रहेको छ । अटोमेटिक ट्रान्समिसनको मूल्य ५८ लाख ९० हजार रहेको छ । यस्तै स्टाइल ट्रान्समिसनको ६० लाख ९० हजार रहेको छ भने अटोमेटिक ट्रान्समिसनको मूल्य ६५ लाख ९० हजार रहेको बताईएको छ ।