एड्भेन्चर मोडलमा होन्डाको सीबि २०० एक्स छिट्टै आउँदै

-



     सफल आवाज    
     भाद्र ६ गते २०७८ मा प्रकाशित



काठमाडौं, ६ भदौ । बाइकिङ कल्चरको विकास भईरहेको नेपाली समाजमा नयाँ-नयाँ मोडल मोटरसाईकलहरु भित्रिरहेका छन् । धेरैजसो युवाहरुको आकर्षण मोटरसाईकल तथा स्कुटरमा देखिएको छ । मोटरसाईकलका सौखिन व्यक्तिहरुले अपेडेटेड सिरिजका मोटरसाईकलप्रति निकै चासो लिने गरेका पनि पाईन्छ ।

यसैबीचमा होन्डाले नयाँ मोटरसाईकल ल्याउन लागेको जनाएको छ । होन्डाको सीबि होन्डा एक्स मोटरसाईकल आउन लागेको हो । यो मोटरसाईकल नेपाली बजारमा आगामी दशैंसम्म आउने अपेक्षा गरिएको छ । अहिले भारतीय बजारमा यो मोटरसाईकल सार्वजनिक भईसकेको छ ।

होन्डा सीबि २०० एक्स मोटरसाईकलमा हर्नेट २.० इन्जिन र प्लेटफर्ममा रहेको छ । एड्भेन्चर मोटरसाईकलमा लामो स्क्रिन, हाई ग्राउण्ड क्लियरेन्स, रेज्ड ह्याण्डल बार, सिंगल च्यानल एबीएस, लङ ट्राभल सस्पेन्शन युनिट लगायतका विशेषता रहेका छन् ।

यो माटरसाईकल एड्भेन्चर मोडलको रुपमा ल्याईएको हो । यसमा १२ लिटर इन्धन क्षमता रहेको छ भने प्रतिलिटर ४० किलोमिटर यात्रा गर्न सकिन्छ । नेपालमा यसको मूल्य ४ चार लाखसम्मको हुनेछ ।