४१ वर्ष जेल सजाय भोगेका तिम्सिनालाई ५ लाख भारु क्षतिपूर्ति दिन आदेश

-



     सफल आवाज    
     मंसिर २३ गते २०७८ मा प्रकाशित



काठमाडौं, २३ मंसिर । भारतको कलकत्तास्थित उच्च अदालतले भारतको जेलमा ४१ वर्षसम्म बिनाकसुर जेलमा बसेर रिहा भएका दुर्गाप्रसाद तिम्सिनालाई क्षतिपूर्तिबापत पाँच लाख भारु दिन आदेश दिएको छ ।

इलामका तिम्सिनालाई क्षतिपूर्ति दिन अदालतले पश्चिम बंगाल सरकारलाई आदेश दिएको छ । उच्च अदालतले मंसिर २१ गते (७ डिसेम्बर) को दिन भारतस्थित नेपाली महावाणिज्य दूतावासमार्फत् दुर्गाप्रसादको बैंक खातामा पाँच लाख भारु पठाउन आदेश दिएको हो ।

मुख्य न्यायाधीश प्रकाश श्रीवास्तव र न्यायाधीश राजषिर् भारद्वाजको संयुक्त इजलासले तिम्सिनाको खातामा क्षतिपूर्ति जम्मा गर्न आदेश दिएको बताइएको छ । १९ वर्षको उमेरमा इलामको माई नगरपालिका–१० बाट तोरी बेच्न भन्दै मंगलबारे गएका उनी काम खोज्दै दार्जिलिङ पुगेका थिए । दार्जिलिङमा एक युवतीको हत्या आरोपमा सन् १९८० मा जेल परेका उनी बिनाकसुर ४१ वर्ष जेल बसेका थिए ।