जैष्णवी ग्रुपको ‘याक बाइक’ सार्वजनिक

-



     सफल आवाज    
     माघ २ गते २०७८ मा प्रकाशित



काठमाडौं, २ माघ । जैष्णवी ग्रुपले नेपाली बजारमा ‘याक बाइक्स’ नामक इलेक्ट्रिक बाइक सार्वजनिक गरेको छ ।

कम्पनीले ‘स्मार्ट सिटी, स्मार्ट राइड’ भन्ने नाराका साथ चिनियाँ विद्युतीय दुई पांग्रे सवारी उत्पादक कम्पनी बेन्ल्गसँगको साझेदारीमा याक बाइकहरू नेपाल भित्र्याएको हो । अनेकौं आकर्षक विशेषता सहितको यो बाइक नेपालमा सार्वजनिक गरिएको छ । अन्य बाइकको तुलनामा यसले निकै कम ऊर्जा खपत गर्छ ।

यसले नेपालको पर्यावरणमैत्री सवारी बनाउने लक्ष्यमा थप योगदान गर्नेछ भन्ने कम्पनीले विश्वास लिएका छन् । यो जिम्मेवार उद्देश्य पूरा गर्न, यसले खनिज इन्धन, मुख्यतया पेट्रोलियम उत्पादनहरूको प्रयोग कम गर्न मद्दत गर्दछ ।