
काठमाडौं, ३० भदौ । असोज १ गतेदेखि लामो दूरीका सार्वजनिक यातायात र हवाई उडान खुल्ने भएका छन् ।
सरकारले असोज ५ बाट खुलाउने सूचना जारी गरे लगत्तै आफ्नो निर्णयलाई परिवर्तन गरी असोज १ बाटै यातायात तथा अवाई सेवा सुचारु गर्ने निर्णय गरेको छ ।
बिगत केहि दिनदेखि यातायात व्यवसायीले सुरक्षाका सम्पूर्ण मापदण्ड अपनाएर असोज १ बाट यातायातका साधन सञ्चालन गर्ने बताउँदै आएका थिए । लकडाउन र निषेधाज्ञाको कारण व्यवसाय चौपट भएको भन्दै व्यवसायीले सरकारले निषेधाज्ञा लागु गरेमा त्यसलाई अवज्ञा गरेर सेवा सुचारु गर्ने चेतावनी समेत दिएका थिए ।
चाडवाड नजिकिएको बेलामा सरकारलाई परेको व्यवसायीको दवावको कारण सरकारले सार्वजनिक यातायात, हवाई उडान तथा होटल खुल्ला गर्न वाध्य भएको हो । यातायात व्यवसायीले यात्रुबाट भाडा भने ५० प्रतिशत सम्म बढी लिन पाउने भएका छन् ।
आन्तरिक हवाई उडान र होटल पनि असोज १ गते देखि खुल्ने भएका छन् । सरकारले आन्तरिक उडान खुलाउने मिति निर्धारण गरेपछि वायुसेवा कम्पनीहरु टिकट बुकिङको तयारीमा लागेका छन् ।
नागरिक उड्डयन प्राधिकरणका एक अधिकारीका अनुसार सरकारले उडान खुला हुने गन्तब्यहरुको सूची भने दिईसकेको छैन । श्रोतका अनुसार तत्काल सबै क्षेत्रमा उडान खुल्ने संभावना कम रहेको छ ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




