
काठमाडौं, २९ वैशाख । सरकारले आगामी जेठ १ गतेदेखि सातामा दुई दिन बिदा दिएसँगै पेट्रोलियम पदार्थको खपत १० प्रतिशतले घट्ने नेपाल आयल निगमले जनाएको छ ।
सरकारजे जेठ १ गतेदेखि शनिबार र आइतबार सार्वजनिक बिदा दिने सूचना राजपत्रमा नै प्रकाशन गरिसकेको छ । २ दिने सार्वजनिक बिदाले डिजेल र पेट्रोलको खपत करिब ७ प्रतिशतदेखि १० प्रतिशतसम्म कम हुने निगमका प्रवक्ता विनितमणि उपाध्यायले जानकारी दिए ।
दुई दिन सार्वजनिक बिदा भएपछि सवारीसाधन कम चल्ने भएकाले इन्धन खपतमा कमी हुने अनुमान गरिएको हो । वैशाख पहिलो साता प्राप्त भारतीय आयल कर्पोरेसन (आईओसी)को नयाँ बिक्री मूल्यसूचीअनुसार पेट्रोल र डिजेलको खरिद लागत मूल्य क्रमशः प्रतिलिटर १८३ रुपैयाँ दुई पैसा र १८३ रुपैयाँ १३ पैसा छ ।
निगमले अहिले प्रतिलिटर १६० रुपैयाँ लिटरमा पेट्रोल र १४३ रुपैयाँमा डिजेल बिक्री गर्दै आएको छ, जसअनुसार निगमलाई पेट्रोलमा लिटरमा २३ रुपैयाँ दुई पैसा र डिजलमा प्रतिलिटर ४० रुपैयाँ १३ पैसा घाटा छ ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




