
काठमाडौं, २ असार । बीमा कम्पनीहरूले अभिकर्तालाई दिएको कर्जा असारभित्रै असुली गर्न बीमा समितिले निर्देशन दिएको छ । यसअघि कर्जा असुली गर्ने मामलामा लचिलो बनेको समिति अब भने तोकिएको समयमै असुली गर्ने निर्णयमा पुगेको हो ।
समितिले जीवन बीमा कम्पनीलाई अभिकर्ताहरूलाई वितरण गरिएको सम्पूर्ण नगद कर्जा २०७९ असार मसान्तभित्र फरफारक गर्न निर्देशन दिएको छ ।
तोकिएको समयमा कर्जा असुली गर्न नसक्ने कम्पनीहरूले साे रकम प्रोभिजन गर्नुपर्ने समितिका कार्यकारी निर्देशक राजुरमण पौडेलले बताए ।
कम्पनीहरूको वित्तीय विवरणमा उठ्न बाँकी रहेको कर्जा प्रोभिजन शीर्षकमा राख्ने व्यवस्था गरिने उनको भनाइ छ । यदी असार मसान्तसम्ममा पनि कर्जा असुली नभए कम्पनीहरूलाई अन्य कारबाही भने समितिले नगर्ने बताइएको छ ।
यसयघि कर्जा असुलीमा पटक पटक समय थप गर्दै आएको समितिले अख्तियार दुरूपयोग अनुसन्धान आयोगले नै बारम्बार ताकेता दिन थालेपछि कम्पनीहरूलाई पुनः यस्तो निर्देशन दिएको थियो ।
समितिकाअनुसार यही असार मसान्तसम्को अवधिमा आफुले वितरण गरेको सम्पूर्ण नगद कर्जा असुल गरी सोको जानकारी दिनुपर्नेछ ।
यसअघि समितिले जीवन बीमा कम्पनीहरूलाई बीमा अभिकर्ताहरूलाई वितरण गर्दै आएको कर्जा तथा सापटी २०७८ साल असार मसान्तभित्र फरफारक गर्नु भनि निर्देशन दिएको थियो ।
समितिले गत बैशाख २ गते पत्र लेख्दै अभिकर्ताहरूले लिएको ऋण असार मसान्तभित्र असुली गरिसक्न बीमा कम्पनीहरूलाई निर्देशन दिएको थियो ।
तर, अभिकर्ता र बीमा कम्पनीहरूले वैशाख २ गते अघि प्रवाह गरिएको ऋण तत्काल उठाउन नसकिने भन्दै समितिलाई समय थप गरिदिन आग्रह गरेका थिए । कम्पनी र अभिकर्ताको आग्रह अनुसार समितिले त्यस्तो ऋण तिर्ने अवधि थप गरी सहजीकरण गरिदिएको थियो ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




