अब नेपाली चिया चिनिया बजारमा निर्यात हुने

-



     सफल आवाज    
     श्रावण ३१ गते २०७९ मा प्रकाशित



काठमाडौं, ३१ साउन । चीनले नेपालमा उत्पादन हुने चियालाई चिनिया बजार खुला गर्ने भएको छ । नेपालका परराष्ट्र मन्त्रीको चीन भ्रमणका बेला चीन नेपाल चियालाई आफ्नो बजार खुला गर्न सहमत भएको हो । चीनले नेपाली चियाका लागि आफ्नो बजार खुला गर्ने बताएको परराष्ट्र मन्त्रालयले जनाएको छ ।

भारततर्फ चिया निर्यातमा व्यवसायीलाई अवरोधको गुनासो आइरहँदा चीनले बजार खुला गर्नु सकारात्मक भएको मन्त्रालयले जनाएको छ । नेपाल चिया तथा कफी विकास बोर्डकाअनुसार नेपालले दुई वर्षदेखि नेपाली चियाका लागि चिनियाँ बजार खुल्ला गर्न आग्रह गर्दै आएको थियो ।

चीनले नेपाली चियाका लागि बजार खुला गरेको बोर्डका अध्यक्ष डा. बिष्णुप्रसाद भट्टराईले जानकारी दिए । नेपालको चिया चीनमा निर्यातबारे गत मंसिरमा पठाएको मोडालिटीमा पनि बेइजिङले सहमति जनाएको उनले बताए ।अब द्रूत गतिबाट समझदारी कार्यान्वनयनका लागि नेपालले गर्न पर्ने कामहरु आपसरी समन्वयमा हुने पनि बोर्डले जनाएको छ ।