
सिरहा, २३ भदौ । सिरहा नगरपालिका–१३ मल्हनियाँदेखि धनुषाको जनकनन्दनी गाउँपालिका–६ कठाल गाउँ जोड्नेगरी कमला नदीमा झोलुङ्गे पुल निर्माण सुरु भएको छ । १ हजार ५ सय मिटर लम्बाइको उक्त झोलुङ्गे पुल नेपालकै लामो हुने दावी गरिएको छ ।
यसअघि सबैभन्दा लामो झोलुङ्गे पुल १ हजार ४ सय ५६ मिटरको कञ्चनपुरको दोधारा चाँदनीस्थित महाकाली नदीमा निर्माण गरिएको छ । तराई–मधेसको लाइफलाइन मानिएको हुलाकी सडकअन्तर्गत रहेको कमला पुल २०६८ सालमा निर्माण गर्न पप्पु कन्स्ट्रक्सन र लुम्बिनी बिल्डर्सले ठेक्का पाएको थियो । काम समयमा नसकाएपछि उक्त कम्पनीविरुद्ध स्थानीयले आन्दोलन समेत गरेका थिए ।
त्यसपछि सपना–उमा एण्ड थानी जेभी बत्तीसपुतलीसँग २१ करोड ५१ लाखमा पुल बनाउन गत असारमा सम्झौता गरिएको थियो । निर्माणमा संलग्न इन्जिनियर उपेन्द्र देवकोटाका अनुसार दुई वर्षभित्र निर्माण पूरा गर्ने गरी सम्झौता भएको हो । अहिले सिराहा नगरपालिका–१३ मल्हनियामा निर्माणको काम धमाधम भइरहेको छ ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




