
काठमाडौं, २४ भदौ । दसैंमा सार्वजनिक सवारीसाधन चलाउँदा देशभर कुनै पनि ठाउँमा रुट पर्मिट नचाहिने भएको छ । यात्रुको चाप हुने ठाउँमा सवारीसाधनको व्यवस्थापन सहज गराउने उद्देश्यले यातायात व्यवस्था विभागमा बसेको सरोकारवालाहरूको बैठकले यस्तो निर्णय गरेको जनाइएको छ ।
गत बुधबार भौतिक, पूर्वाधार तथा यातायात मन्त्रालय, यातायात व्यवस्था विभाग, सडक विभाग, ट्राफिक प्रहरी तथा यातायात व्यवसायीबीच बैठक भएको र उक्त बैठकबाट यस्तो निर्णय भएको हो ।
यो निर्णय अनुसार घटस्थापनाको दिनदेखि पूर्णिमाका दिनसम्म सार्वजनिक सवारीसाधनलाई देशभर सञ्चालनका लागि रुट पर्मिट आवश्यक हुने छैन । तर बैठकले कुनै बाटोको विशेष प्रकृतिका कारण उक्त बाटोमा चल्न निषेध गरिएका सार्वजनिक सवारीका सम्बन्धमा भने बन्देज यथावत रहने पनि प्रस्ट्याएको छ ।
यसैगरी बैठकको निर्णय अनुसार असोज १५ देखि २२ गतेसम्म नारायणघाटदेखि काठमाडौंसम्म अत्यावश्यक ढुवानीबाहेकका ट्रेलर तथा ढुवानीका साधन सञ्चालनमा रोक लगाइनेछ । यातायात व्यवसायीले कोभिड १९ को जोखिम यथावत रहेकाले दसैंका यात्रुलाई मास्कको प्रयोग गराउनुपर्ने प्रावधान राखिएको छ ।








नारायणगढ (चितवन), ५ मङ्सिर। चार दशकदेखि मुलुकमा सनातन वैदिक धर्मको प्रवर्द्धन तथा धार्मिक पर्यटन विकासको…
चितवन, ५ मङ्सिर। प्रहरीले ४४३ किलो लागूऔषध गाँजासहित दुई जना भारतीय नागरिक पक्राउ गरेको छ…
काठमाडौं, ५ मंसिर। पछिल्लो एक साताको अवधिमा नेपाली बजारमा सुनको मूल्यमा भारी गिरावट आएको छ।…
काठमाडौं, ५ मङ्सिर। नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।… 




