भैरहवामा कोरोना संक्रमित ६५ वर्षीया महिलाको मृत्यु

बुटवल, १७ भदौ । भैरहवामा कोरोना संक्रमित एक महिलाको मृत्यु भएको छ ।

भीम अस्पतालमा उपचाररत् रामग्राम –५, नवलपरासीकी ६५ वर्षीया महिलाको उपचारक्रममा मृत्यु भएको हो ।

अस्पतालका सूचना अधिकृत डा. नारायण पोखरेलका अनुसार ती महिलामा मधुमेह र उच्च रक्तचापको समेत समस्या थियो ।

कोरोना संक्रमण पुष्टि भएर स्वास्थ्यमा समस्या आएपछि उनलाई बुटवल धागो कारखानामा रहेको कोरोना विशेष अस्पतालमा लगिएकोमा आईसीयु उपलब्ध नहुँदा सोमबार भीम अस्पतालको आईसीयुमा राखेर उपचार सुरु गरिएको थियो ।