लिबियाका पूर्व उपप्रधानमन्त्रीलाई भ्रष्टाचारको आरोप

-



     सफल आवाज    
     पौष २१ गते २०७८ मा प्रकाशित



त्रिपोली २१ पुस । लिवियाको पूर्व उपप्रधानमन्त्री तथा पूर्व गृहमन्त्रीलाई भ्रष्टाचार गरेको आरोप लगाइएको छ । लिबियाका महान्यायाधिवक्ताको कार्यालयले पूर्व उपप्रधानमन्त्री तथा गृह मन्त्री अल साद्धिक अब्दुल्करी करिमलाई भ्रष्टाचार गरेको आरोप लागाइएको हो । उनीहरुले आर्थिक अनियमितता गरेको र अनुसन्धान भइरहेको पनि अधिकारीहरुले जनाएका छन् ।

राष्ट्रपतिका उम्मेदवार समेत रहेका करिमले आफू पदमा रहँदा न्युन गुणस्तरको सामग्रीलाई उच्च मूल्य तिर्नेगरी हस्ताक्षर गरेको पाइएको दाबी गरिएको छ । उनले कानुनको उलंघन र गलत प्रयोग गरेकाले उनीमाथी अनुसन्धान गरी कारबाही गर्न महान्यायाधिवक्तको कार्यालयले माग गरेको छ । उनले राज्यलाई पाँच करोड अमेरिकी डलर नोक्सान गराएको महान्यायधिवक्ताको कार्यालयले दाबी गरेको छ ।