
प्रतिकुलतालाई अनुकुलतामा बदल्ने अठोटसहित सुरु गरिएको अनलाइन न्युजपोर्टल सफल आवाज डटकम (www.safalawaj.com) आजबाट सातौंं वर्षमा प्रवेश गरेको छ । यो गौरवको क्षणमा हाम्रो यात्राको निरन्तर सहयात्री बन्नुहुने आदरणीय पाठकवर्ग, विज्ञापनदाता, शुभेच्छुकज्यूहरू, नियमन निकाय तथा कर्मचारी साथीहरूमा हार्दिक आभार तथा कृतज्ञता व्यक्त गर्दछौं । यहाँहरुको साथ, सहयोगबिना हाम्रो यात्रा सम्भव थिएन, तसर्थ सम्पूर्ण श्रेय यहाँहरुलाई सुम्पन्छौं ।
आजको प्रविधि युगको आवश्यता अनुसार नै संसारभरका परम्परागत मिडियाले समेत डिजिटल माध्यमलाई नै आधार बनाएका छन् । हामीले ७ वर्षअघि नै डिजिटल बाटो समात्नु उपयुक्त थियो भन्ने फेरि पनि पुष्टि भएको छ भन्ने हामी ठान्छौं । अबको समय सूचना तथा समाचारको भरपर्दाे माध्यम अनलाइन न्युजपोर्टलहरु नै हुन् भन्नेमा अब कुनै द्विविधा रहेन ।
तर पत्रकारिताको आधारभूत सिद्धान्त जुन तथ्यपरक, सन्तुलित र विश्वसनीयता हुन्, तिनमा भने कहिल्यै फेरबदल आउँदैन र आउनु हुँदैन भन्नेमा हामी अडिग छौं । सधैं अडिग रहन्छौं । प्रविधिले ल्याएको परिवर्तनसँगै संसारभर नै पत्रकारिताको साखमा गिरावट पनि आएको हामीले मनन् गरेका छौं । त्यसैले भाइरल हुने वा भ्युजको दौडमा न्युज बिर्सने गल्ती गर्नु हुँदैन भन्नेमा हामी सदा सचेत छौं ।
हाम्रो अनलाइन न्युजपोर्टलमा अर्थ, शिक्षा, स्वास्थ्य र सामाजिक क्षेत्रका सूचना तथा समाचारले प्राथमिकता पाइरहेका छन् । हामी केवल सूचना प्रवाह गर्ने माध्यम मात्र होइनौं, समाजका आर्थिक, शैक्षिक र सामाजिक रूपान्तरणका संवाहक पनि हौं भन्ने तथ्यलाई हाम्रो ७ वर्षे इतिहासले प्रमाणित गरिसकेको छ ।
प्रविधिसँगै हाम्रा सामग्रीको परिमार्जन र गहनतामा जुन विशेष जोड समयले मागेको छ, त्यसमा खरो उत्रन हाम्रो सफल ७ वर्षे यात्राले थप प्रेरित गरेको छ । आगामी दिनमा पनि आफ्ना जिम्मेवारी र व्यावसायिक कर्तव्यमा किञ्चित बिचलित नहुने प्रतिबद्धतासहित यहाँहरुको निरन्तर सुझाव,सल्लाह र सहयोगको अपेक्षा गर्दछौं। धन्यवाद।
दुर्गाप्रसाद हुमागाईं
प्रकाशक तथा प्रधान सम्पादक








चितवन, ४ मङ्सिर । पृथ्वी राजमार्गको नागढुङ्गा-मुग्लिन सडकखण्डअन्तर्गत घोप्टेभीरमा लगातार सुक्खा पहिरो खस्न थालेपछि सवारी…
काठमाडौं, ४ मङ्सिर। नेपाल प्रिमियर लिग (एनपिएल) को तेस्रो संस्करणको उपाधिका लागि साविक विजेता लुम्बिनी…
अन्ताल्या (टर्की), ४ मंसिर । जलवायु परिवर्तनसम्बन्धी विश्व सम्मेलन COP31 को अवसरमा नेपाल आदिवासी जनजाति…
पोखरा, ४ मंसिर । गण्डकी प्रदेश सरकार, स्वास्थ्य मन्त्रालयले प्रदेशको स्वास्थ्य क्षेत्रमा उत्कृष्ट कार्यसम्पादन गर्ने… 




