ढुङ्गाले जोखिम बनाएको बस्तीको स्थानान्तरण

-



     सफल आवाज    
     भाद्र १७ गते २०७७ मा प्रकाशित



त्रिशूली, १७ भदौ । दुप्चेश्वर गाउँपालिका–१ घ्याङफेदीको तीन बस्तीको बीचमा रहेको ढुङ्गाले जोखिम पुर्याएसँगै ढुङ्गा हटाउन मङ्गलबारदेखि बस्ती स्थानान्तरण थालिएको छ ।

जिल्ला प्रशासन कार्यालय नुवाकोटले उपलब्ध गराएको टेन्ट वडा कार्यालयले उपलब्ध गराएपछि नेगीका २८ परिवारलाई सुरक्षित स्थानमा स्थानान्तरण शुरु गरिएको वडाध्यक्ष सुनबहादुर तामाङले जानकारी दिएको राससले लेखेको छ ।

तामाङका अनुसार नेगीका २८ परिवारलाई सोही वडाको सुरक्षित स्थानमा टेन्ट हालेर घरको सामान सार्न लगाइएको छ । “नेगी बस्तीका २८ परिवारलाई सूर्यकुण्ड जलविद्यत आयोजनाको जग्गामा स्थानान्तरण गरिने लक्ष्य बनाइएको थियो”, “टेन्ट ठूलो भएकाले स्थानको अभाव भएपछि बस्तीको दायाँबायाँ तीन स्थानमा सारिएको छ ।”