
कञ्चनपुर, २४ भदौ । सत्तारूढ नेपाल कम्युनिष्ट पार्टी (नेकपा) का सङ्घीय सांसद निरुदेवी पालले दोधारा–चाँदनीमा बन्ने सुक्खा बन्दरगाह सुदूरपश्चिम क्षेत्रकाे गौरवको योजना भएको बताएकी छन ।
दाेधारा–चाँदनीमा सुक्खा बन्दरगाहसम्बन्धी एक कार्यक्रममा उनले सुक्खा बन्दरगाह नेकपाकै एजेण्डा भएकाले निर्धारित समयमै बन्ने बताइन । दोधारा–चाँदनीमा सुक्खा बन्दरगाह बन्नुपर्छ, यो सुदूरपश्चिमको विकासका लागि हो, उनले भनिन ।
सांसद पालले दोधारा–चाँदनीको कञ्चनभोजमा सुक्खा बन्दरगाह बन्ने र त्यसका लागि सबै व्यवस्था सरकारले गर्ने उनकाे भनाइ थियो ।
सुदूरपश्चिम प्रदेशसभा सदस्य मानबहादुर सुनारले कञ्चनभोजमा सुक्खा बन्दरगाह बनाउँदा विस्थापित हुने परिवारको उचित व्यवस्थापन गरिने बताए ।
सुक्खा बन्दरगाह बनाउँदा विस्थपित हुने परिवारले कुनै चिन्ता लिनु पर्दैन”, उनले भने सरकारले कसैलाई पनि असहज हुने गरी काम गर्दैन, सबैको न्यायोचित व्यवस्थापन गर्छ । उनले सुक्खा बन्दरगाह बनाउँदा स्थानीयवासीलाई व्यवस्थापनबिना हटाइने भनेर गलत प्रचार गरेको उल्लेख गर्दै त्यस्ता भ्रममा नपर्न सबैमा आग्रह गरे ।
उद्योग, वाणिज्य तथा आपूर्तिमन्त्री लेखराज भट्टले विसं २०६६ मा दोधारा–चाँदनीमा सुक्खा बन्दरगाह बनाउने घोषणा गरेका राससले लेखेकाे छ । विसं २०७४ को निर्वाचनमा सुक्खा बन्दरगाह सञ्चालन गर्ने सत्तारूढ नेकपाको प्रमुख चुनावी एजेण्डा पनि थियो ।








काठमाडौं, ५ मङ्सिर । तेस्रो प्रयासमा अन्ततः सुदूरपश्चिम रोयल्सले नेपाल प्रिमियर लिग (एनपीएल) २०२६ को…
काठमाडौं, ५ मङ्सिर। प्रधानमन्त्री वालेन्द्र शाह आइतबार दिउँसो भारतको राजकीय भ्रमणमा जानुहुने भएको छ ।…
काठमाडौं, ५ मङ्सिर। नेपाल कम्युनिष्ट पार्टी (एमाले) का अध्यक्ष केपी शर्मा ओलीले युवालाई उद्यमशीलता र…
पोखरा, ५ मंसिर । पोखरामा विद्यार्थी छात्र–छात्रा तथा खुला महिला–पुरुषतर्फको ५ किलोमिटर दौड प्रतियोगिता सम्पन्न… 




