कांग्रेस महाधिवेशन : मतगणना सम्पन्न, शनिबार निर्वाचित भएको प्रमाण पत्र वितरण गरिने

-



     सफल आवाज    
     पौष ९ गते २०७८ मा प्रकाशित



काठमाडौं, ९ पुस । नेपाली कांग्रेसको १४औँ महाधिवेशनअन्तर्गत भएको निर्वाचनको सबै मतगणना सम्पन्न भएको छ । पछिल्लो मतपरिणामअनुसार केन्द्रीय सदस्य खस आर्य (महिला) छ पदमा कान्तिका सेजुवाल १८८५, चम्पादेवी खड्का १९०६, नानु बास्तोला २००१, प्रतिमा गौतम १८९१, मञ्जु खाण २१८१ र विद्यादेवी तिमिल्सिना १८२५ मतका साथ निर्वाचित भएका छन् । सो पदमा कुल ३१ जनाले उम्मेदवारी दिएका थिए ।

खस आर्य (खुला) सात पदमा भने केशवकुमार बुढाथोकी २११५, गेहेन्द्र गिरि १८०३, गोविन्दबहादुर शाह २०७३, नारायणबहादुर कार्की १८३६, भीम पराजुली १९४७, मधु आचार्य १८४९, श्यामकुमार घिमिरे १९१९ मतका साथै निर्वाचित भए । सो पदमा ४३ जनाले उम्मेदवारी दिएका थिए ।

यसैगरी केन्द्रीय सदस्य आदिवासी जनजाति (महिला) सात पदमा अन्जनी श्रेष्ठ २१२४, गंगालक्ष्मी अवाल १८५७, माया राई १८७३, सरस्वती वजीमय २०४८, सिताकुमारी राना १८३५, सीता गुरुङ २३०७, सुशीला थिङ १७९५ मतका साथ विजयी भएको निर्वाचन समितिले जनाएको छ । सो पदमा ३३ जनाले उम्मेदवारी दिएका थिए ।

केन्द्रीय सदस्य आदिवासी जनजाति (खुला) आठ पदमा आङ गेलु शेर्पा १८९८, उमेश श्रेष्ठ २१४४, चीनकाजी श्रेष्ठ २३०८, टेकप्रसाद गुरुङ १७७८, टेकबहादुर गुरुङ (मनाङ) १९०६, तारामान गुरुङ १९७६, दिलमान पाख्रिन १९७६ र बहादुर सिंह (लामा) तामाङ २११४ मतका साथ निर्वाचित भएका छन् । केन्द्रीय सदस्य आदिवासी जनजाति (खुला) आठ पदमा ५० जनाको उम्मेदवारी परेको थियो ।

गत मङ्सिर २४ देखि २८ गतेसम्म सम्पन्न महाधिवेशनबाट निर्वाचित केन्द्रीय कार्यसमितिका पदाधिकारी एवं सदस्यहरुलाई यही पुस १० गते शनिबार विहान ११ वजे पार्टी केन्द्रीय कार्यालय सानेपामा निर्वाचित भएको प्रमाण पत्र वितरण गरिने समितिका सचिव केशव रिजालले जानकारी दिए ।