सुनको भाउ तोलाको १ लाख २० हजार ८ सय पुग्यो

-



     सफल आवाज    
     मंसिर १७ गते २०८० मा प्रकाशित



काठमाडौं, १७ मंसिर । सुनको भाउ लगातार उकालो लागिरहेको छ । साताको सुनचाँदीको कारोबार हुने पहिलो दिन आईतबार नेपाली बजारमा सनचाँदीको भाउमा भाउ बढेकाे छ ।

यसदिन छापावाल सुनमा एकैपटक १ हजार ८ सयले बृद्धि भएको छ । चाँदी रुपैयाँ ५ ले बढेको छ ।

नेपाल सुनचाँदी व्यवसायी महासंघले आज छापावल सुनमा रुपैया १ हजार ८ सयले बढेर तोलाको अहिले सम्मकै उच्च भाउ १ लाख २० हजार ८ सय पुगेको जनाएको छ । यसअघि शुक्रबार छापावाल सुन तोलाको १ लाख १९ हजार रुपैयाँमा कारोबार भएको थियो ।

तेजाबी सुनमा पनि तोलामा रुपैयाँ १ हजार ८ सयले बढेर तोलाको १ लाख २० हजार २ सय रुपैयाँमा कारोबार भईरहेको छ । शुक्रबार तेजाबी सुन तोलाको १ लाख १८ हजार ४ सय ५० रुपैयाँमा कारोबार भएको थियो ।

महासंघका अनुसार चाँदीमा रुपैयाँ ५ ले बढेर तोलाको १ हजार ५ सय ४५ रुपैयाँमा कारोबार भईरहेको छ । शुक्रबार सेतो धातु चाँदी तोलाको १ हजार ५ सय ४० रुपैयाँमा कारोबार भएको थियो ।