भिषा पेमेन्ट एक्सिलेन्स अवार्ड २०२३ बाट ग्लोबल आइएमई बैंक सम्मानित

-



     सफल आवाज    
     पौष ५ गते २०८० मा प्रकाशित



काठमाडौं, ५ पुस । भिषा पेमेन्ट एक्सिलेन्स अवार्ड २०२३ बाट ग्लोबल आइएमई बैंक सम्मानित भएको छ । काठमाडौँमा आयोजित भिषा इन्टरनेशनलकाे लिडरसिप कन्क्लेभमा बैंकलाई सन् २०२३ मा भिषा सदस्यमध्ये एशोशिएट सदस्यतर्फ डेबिट कार्ड प्रवर्धनमा उत्कृष्ट बनेकोमा उक्त अवार्ड प्रदान गरिएको बताइएकाे छ।

बैंकले हालैमात्र भिषासँगको सहकार्यमा भिषा स्क्यान टू पे भुक्तानी प्रणालीको शुभारम्भ गरेको छ। क्यूआरमार्फत भर्चुअल भिजा कार्डबाट पेमेन्ट गर्ने सकिने उक्त प्रविधि नेपालमै पहिलो रहेको छ । ग्लोबल आइएमई बैंक मुलुकका सतहत्तरै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो ।

बैंकले ३ सय ५५ शाखा, ३७९ एटिएम, २७४ शाखा रहित बैंकिङ्ग सेवा, ६५ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालयसमेत गरी ११०० भन्दा बढी सेवा केन्द्रबाट ४५ लाखभन्दा बढी ग्राहकहरू माझ सेवा प्रदान गर्दै आएको जनाएकाे छ ।