९ सय मेगावाटकाे माथिल्लो कर्णाली जलविद्युतकाे काम अघि बढाउन मुख्यमन्त्री शर्माकाे आग्रह

-



     सफल आवाज    
     फागुन २३ गते २०८० मा प्रकाशित



कर्णाली, २३ फागुन। कर्णाली प्रदेशका मुख्यमन्त्री राजकुमार शर्माले माथिल्लो कर्णाली जलविद्युत् आयोजनाको कामलाई छिटाे अगाडि बढाउन अनुरोध गरेका छन् ।

मुख्यमन्त्री शर्मालाई भेट्न आएका आयोजनाका प्रतिनिधिलाइ शर्माले आयोजनाको काम अगाडि बढाउन अनुरोध गरेका हुन। त्यस क्रममा मुख्यमन्त्री शर्माले हालसम्मको आयोजनाको प्रगतिबारे समेत जानकारी लिएका थिए।

माथिल्लो कर्णाली जलविद्युत् कर्णाली प्रदेशसहित मुलुकको महत्वपूर्ण आयोजना भएकाले यसको निर्माणमा तीव्रता दिनुपर्ने सुझाव दिएका मुख्यमन्त्री शर्माले प्रदेश सरकारका तर्फबाट गर्नुपर्ने आवश्यक पहल र समन्वयका लागि तयार रहेको बताए ।

आयोजनाका प्रतिनिधि शर्माले आयोजनाअन्तर्गत सबै प्रक्रिया पूरा भएको र अब काम अगाडि बढाउने बताए । ९ सय मेगावाट जलविद्युत् क्षमताको उक्त आयोजना निर्माणको जिम्मा भारतीय कम्पनी ग्रान्धी मल्लिकार्जुन राव (जिएमआर)ले लिएको छ ।

जिएमआरले माथिल्लो कर्णाली आयोजनाको निर्माण १३ वर्षदेखि अगाडि बढ्न सकेको छैन । जिएमआरले सन् २००८ मा नै आयोजना निर्माणको जिम्मा पाएको थियो ।