काठमाडाै,२ भदाै । लिवर्टी ईनर्जी कम्पनी लिमिटेडले सर्वसाधारणका लागि छुट्याएको ३५ लाख ६४ हजार ९३० कित्ता साधारण शेयर भोलि भाद्र ३ गते बुधबारबाट बिक्री खुल्ला गर्ने भएको छ । कम्पनीले सम्पूर्ण प्रक्रिया पुरा गरि भोलीबाट साधारण शेयर बिक्री खुल्ला गर्न लागेको कम्पनीका प्रबन्ध निर्देशक डा.आत्माराम घिमिरेले सफल आवाजलाई बताए ।
प्रबन्ध निर्देशक घिमिरेका अनुसार कम्पनीको शेयर खरिदका लागि न्यूनतम १० कित्तादेखि अधिकतम २००,००० (दुई लाख) कित्ता सम्म दरखास्त दिन सकिने भएको छ । यसलाई नियामक निकाय नेपाल धितोपत्र बोर्डले २०७७ भदौ १ गते पत्र मार्फत स्वीकृती प्रदान गरिसकेको जनाइएको छ । साधारण शेयरको धितोपत्र निस्काशन तथा विक्री प्रवन्धकमा एनआईबिएल एस क्यापिटल लि. रहेको छ ।
लिवर्टी ईनर्जीले प्रवद्र्धन गरेको यस माथिल्लो दोर्दी “ए” जलविद्युत आयोजनाको कुल अुनमानित लागत ४ अर्ब ६३ करोड ६० लाख पन्चानब्बे हजार नौ सय २१ रुपैयाँ रहेको छ ।
निमार्ण सम्पन्नको अन्तिम चरणमा पुगेको यो आयोजनाले आगामी ३ महिना भित्रमा विद्युत उत्पादन शुरु गर्ने तयारीमा रहेको प्रबन्ध निर्देशक डा. आत्माराम घिमिरेले बताए ।
कम्पनीले लगानीकर्तालाई अर्को आ.ब. भित्रमा नै मुनाफा दिन सक्ने समेत बताईरहेको अवस्थामा यो आयोजनामा लगानी गर्नेले छिट्टै नै प्रतिफल लिन सक्ने देखिन्छ ।कम्पनीका अुनसार यो शेयर निष्काशन अवद्यी भदौ ३ गतेबाट शुरु भई छिटोमा भाद्र ७ गतेसम्म र ढिलोमा भाद्र १७ गते सम्म रहनेछ ।
सर्वसाधारणको सेयर बजारप्रतिको चासो हेर्दा तोकिएको समय अगावै लिवर्टी ईनर्जी कम्पनीको साधारण शेयर बिक्री भइसक्ने कम्पनीले बिश्वास लिएको छ ।
थप जानकारीका लागी link : अपर दोर्दी ए जलविद्युत् आयोजनामा लगानी गर्नेले छिट्टै आकर्षक प्रतिफल पाउने छन्: घिमिरे
पाेखरा, ७ असाेज । जिल्ला समन्वय समिति जिल्ला समन्वय समिति कास्कीद्वारा स्थानीय तहहरूको बार्षिक समिक्षा… 
पाेखरा, ७ असोज । पर्यटकीय नगरी पोखरामा ४४औँ विश्व पर्यटन दिवस (सेप्टेम्बर २७) लाई भव्य… 
काठमाडाैं, ७ असोज । चालु आर्थिक वर्ष २०८०/८१ को सुरुवाती दुई महिनामा मुलुकले रू दुई… 
बेइजिङ, ७ असोज । प्रधानमन्त्री पुष्पकमल दाहाल ‘प्रचण्ड’ले चिनियाँ लगानीकर्तालाई नेपालमा लगानीका लागि आग्रह गरेका… 
