
मुक्तिनाथ विकास बैंकले ‘उत्कृष्ट वार्षिक प्रतिवेदन प्रस्तुत पुरस्कार’ प्राप्त गरेको छ । सो पुरस्कारलाई बैंकिङ क्षेत्रमा अति प्रतिष्ठित पुरस्कार मानिन्छ ।
नेपाल चार्टर्ड एकाउन्टेन्ट्स संस्था (आईक्यान) ले हरेक वर्ष नेपाल वित्तीय प्रतिवेदनमान प्रणाली मार्फत वित्तीय विवरण प्रकाशन गर्ने उत्कृष्ट संस्थाहरुलाई प्रदान गर्दै आएकोमा विभिन्न विधाहरुमध्ये वित्तीय क्षेत्रतर्फ यसपालि आव २०७५/०७६ को लागि सो पुरस्कार मुक्तिनाथलाई दिएको हो ।
संस्थाले बैंकिङ, वित्तीय, वीमा, सार्वजनिक क्षेत्र इकाइ र सामान्य क्षेत्र गरी विभिन्न ५ विधामा सो पुरस्कार प्रदान गर्दै आएको छ ।
आईक्यानले संस्थाको नवनिर्वाति अध्यक्ष तथा उपाध्यक्षको शपथ ग्रहण समारोहमा मुक्तिनाथलाई बैंक र वित्त कम्पनीमध्येबाट सो पुरस्कार हस्तान्तरण गरेको हो ।
समारोहका प्रमुख अतिथि महालेखापरीक्षक टंकमणि शर्मा दंगालले मुक्तिनाथका प्रमुख कार्यकारी अधिकृत प्रद्युमन पोखरेललाई पुरस्कार हस्तान्तरण गरे ।
मुक्तिनाथले हाल ४२ जिल्लामा १३६ वटा शाखाहरु मार्फत बचत, निक्षेप तथा कर्जा सेवाहरु प्रदान गर्दै आएको सूचना अधिकारी तीलबहादुर गुरुङले बताए । बैंकले प्रविधिमा आधारित रही मोबाईल बैंकिङ्ग, क्यूआर पेमेन्ट, एटिएम, अनलाइन बैंकिङ लगायत सेवा समेत प्रदान गर्दै आएको छ ।








काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन…
पोखरा, ६ मङ्सिर । कन्या क्याम्पस पाेखराकाे ३२ औँ साधारण सभा तथा १० औँ अधिवेशन…
काठमाडौं, ६ मंसिर। चालु आर्थिक वर्ष २०८३/८४ को पहिलो त्रैमासिक अवधिको मुनाफाबाट बैंक तथा वित्तीय… 




