थप ६ हजार ८२७ जनामा कोरोना संक्रमण, १० जनाको निधन

-



     सफल आवाज    
     माघ १४ गते २०७८ मा प्रकाशित



काठमाडौं, १४ माघ । नेपालमा पछिल्लो २४ घण्टामा थप ६ हजार ८२७ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १९ हजार ८६९ वटा नमुना परीक्षण गर्दा ६ हजार ८२७ जनामा संक्रमण देखिएको हो ।

मन्त्रालयका अनुसार गएको २४ घण्टामा थप १० जनाले ज्यान गुमाएका छन् भने ५ हजार ४३२ जना निको भएका छन् । यससँगै देशभर कोरोनाको सक्रिय संक्रमितको संख्या ८९ हजार ९४१ पुगेको छ ।