
काठमाडौँ, १४ वैशाख । नेपाल राष्ट्र बैंकले ६७ औं वार्षिकोत्सव भव्य रुपमा मनाउने भएकाे छ । गतवर्ष कोरोना महामारीका कारण भर्चुअल रुपमा सम्पन्न राष्ट्र बैंकको वार्षिकोत्सव यसपटक भने भव्य कार्यक्रमका साथ मनाउन लागिएको केन्द्रीय बैंकले जनाएकाे छ ।
राष्ट्र बैंकले बुधवार दिउँसो २ बजे बालुवाटारस्थित राष्ट्र बैंकको केन्द्रीय कार्यालयमा भव्य रुपमा वार्षिकोत्सव मनाउँदैछ ।
विगतको भन्दा यसपटकको वार्षिकोत्सव विशेष रहेकाे समेत बताइएकाे छ ।
अर्थमन्त्रालयसँगको टसलका कारण सरकारले छानबिन शुर गरेपछि गभर्नर महाप्रसाद अधिकारी निलम्बनमा परेका थिए । पछि सर्वोच्च अदालतले काममा फर्कन अन्तरिम आदेश दिएसँगै गभर्नर अधिकारी अहिले राष्ट्र बैंक फर्किएका छन् ।
मंगलवार अधिकारीको रिटमाथीको सुनुवाई हेर्दाहेर्दैमा राखिएको छ । मंगलवार बहस नसकिएपछि अर्को पेशी बिहीवारका लागि तोकिएको छ । अर्को पेशी बिहीवारका लागि तोकिएपछि गभर्नर अधिकारीले बुधवार राष्ट्र बैंकको ६७ औं वार्षिकोत्सव भव्यताका साथ मनाउन पाउने भएका छन् ।
कोरोना महामारी मत्थर भइसकेकाले यसपटक वार्षिकोत्सव भव्य रुपमा मनाउनका लागि सहज पनि देखिन्छ । अघिल्ला २ वर्ष भर्चुअल रूपमा मनाइएको राष्ट्र बैंकको वार्षिकोत्सव यस पटक भौतिक उपस्थितिमा मनाइँदैछ ।








काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन…
पोखरा, ६ मङ्सिर । कन्या क्याम्पस पाेखराकाे ३२ औँ साधारण सभा तथा १० औँ अधिवेशन…
काठमाडौं, ६ मंसिर। चालु आर्थिक वर्ष २०८३/८४ को पहिलो त्रैमासिक अवधिको मुनाफाबाट बैंक तथा वित्तीय… 




