४३५ जनामा कोरोना सङ्क्रमण, ५६ जना सङ्क्रमणमुक्त

-



     सफल आवाज    
     श्रावण ५ गते २०७९ मा प्रकाशित



काठमाडौं, ५ साउन । पछिल्लो २४ घण्टामा देशभर थप ४३५ जनामा कोरोना सङ्क्रमण पुष्टि भएको छ । ३ हजार ५६९ जनामा गरिएको परीक्षणमा ४३५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यससँगै हाल नेपालमा सक्रिय सङ्क्रमितको सङ्ख्या २ हजार ५३७ पुगेको छ । काठमाडौँ जिल्लामा ५ सय जनाभन्दा बढी सङ्क्रमित रहेको मन्त्रालयले जनाएको छ । आठ जिल्लामा शून्य सङ्क्रमित रहेका छन् भने सोफ अवधिमा ५६ जना सङ्क्रमणमुक्त भएका छन् ।

मन्त्रालयका अनुसार होम आइसोलेशनमा दुई हजार ३९६, संस्थागत आइसोलेशनमा १४१ र सघन उपचार कक्षमा १९ जनाको उपचार भइरहेको छ ।