देशभर ५६४ कोरोना संक्रमित थपिए, १ जनाको मृत्यु

-



     सफल आवाज    
     श्रावण ११ गते २०७९ मा प्रकाशित



काठमाडौं, ११ साउन । नेपालमा पछिल्लो २४ घण्टामा ५६४ जना कोरोना संक्रमित थपिएका छन् । उक्त अवधिमा ४ हजार ४५४ जनामा परीक्षण गरिएकोमा ५४६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ४ हजार ४५४ मध्ये २ हजार ७७८ को पीसीआर विधिबाट तथा परीक्षण गर्दा ४१८ र १ हजार ६७६ एन्टिजेन परीक्षणमा १४६ जनामा संक्रमण देखिएको हो ।

यस्तै सो अवधिमा १ जनाको कोरोनाबाट मृत्यु भएको छ भने कोरोना संक्रमणमुक्त हुनेको संख्या २०२ रहेको छ । यो आँकडासँगै नेपालमा कोरोनाका सक्रिय संक्रमितको सङ्ख्या ३ हजार ९२९ पुगेको छ ।