क्यानडामा मङ्कीपक्सका सङ्क्रमित ८९० पुगे

-



     सफल आवाज    
     श्रावण १९ गते २०७९ मा प्रकाशित



क्यानडा, १९ साउन । क्यानडमा बुधबारसम्म ८९० जना मङ्कीपक्सका सङ्क्रमित पाइएका जनाइएको छ । यहाँका स्वास्थ्य संस्थाहरुका अनुसार तीमध्ये ४ सय २३ जना ओन्टारियोमा शहरमा मातेर पाइएको जनाएका छन् । यो सहरमा सुरुदेखि नै मङ्कीपक्सको सङ्क्रमण बढेको पाइएको खबर समाचार संस्थाहरुले खबर प्रकाशन गर्दै आएका थिए ।

क्यानडाको नेसनल माइक्रोबायोलोजी ल्याबोरेटोरीले यस मङ्कीपक्सको सङ्क्रमणको लगत राखेको र यस सम्बन्धमा अनुसन्धान पनि गरिरहेको जनाएको छ । यहाँको सरकारले मङ्कीपक्सका विरुद्धको कम्तीमा पनि ७० हजार खोप लगाउन तयार रहेको र ठूलो सङ्ख्यामा स्वास्थ्यकर्मी पनि खटाइएको जनाएको छ ।

पछिल्ला केही महिनामा यो मङ्कीपक्सको सङ्क्रमण विश्वका कैयौँ देशमा पुगेको छ । यसका कारण विश्व स्वास्थ्य सङ्गठनले यसलाई स्वास्थ्य सङ्कटका रुपमा पनि घोषणा गरेको छ ।