कोरियामा एकैदिन १ लाखभन्दा बढी कोरोना सङ्क्रमित थपिए

-



     सफल आवाज    
     श्रावण १९ गते २०७९ मा प्रकाशित



सोल, १९ साउन । दक्षिण कोरियामा पछिल्लो २४ घण्टामा १ लाख ७ हजार ८ सय ९४ जनामा कोभिड–१९ सङ्क्रमण पुष्टि भएको छ ।  योसँगै यहाँका कुल सङ्क्रमितको सङ्ख्या २ करोड ६० लाख १ सय ५४ पुगेको स्वास्थ्य अधिकारीले जानकारी दिएका छन् ।

स्थानीय कोरिया रोग नियन्त्रण र रोकथाम एजेन्सीले अघिल्लो दिनको तुलना कोभिड सङ्क्रमण केही घटेको जानकारी दिएको छ । नयाँ बिरामीमध्ये, ४ सय ३५ जना आयातित रहेको जनाइएको छ । यो अवधिमा ४६ हजार ३ सय २९ जना कोरोनामुक्त भएर घर फर्केका छन् ।

एजेन्सीका अनुसार कोरियामा गम्भीर अवस्थामा रहेका सङ्क्रमितको सङ्ख्या ३१० पुगेको छ । यस्तै यो अवधिमा थप ३४ जनाको मृत्यु भएको र कोरोना शुरु भएदेखि हालसम्म मृतकको सङ्ख्या २५ हजार १४४ पुगेको बताइएको छ ।