भारतले एक खेल अगावै जित्यो वेस्ट इण्डिजविरुद्धको टी-२० श्रृङ्खला

-



     सफल आवाज    
     श्रावण २२ गते २०७९ मा प्रकाशित



काठमाडौं, २२ साउन । वेस्ट इन्डिजसँगको पाँच खेलको टी–२० शृङ्खला भारतले एक खेल अगावै जितेको छ । शनिबार राति फ्लोरिडामा भएको चौथो खेलमा वेस्ट इन्डिजलाई ५९ रनले हराउँदै भारतले शृङ्खला कब्जा गरेको हो ।

भारत निर्धारित समयमा १ सय ९२ रनको लक्ष्य दिएकोमा वेस्ट इन्डिजले १९ ओभर १ बलमा १ सय ३२ रनमात्र बनाउन सफल भयो । वेस्ट इन्डिजका कप्तान निकोलस पुरन तथा रोभमन पावेलले सर्वाधिक समान २४/२४ रन बनाए ।

बलिङतर्फ भारतका अर्शदीप सिंहले ३ तथा अक्षर पटेल, रवि बिष्नोइ तथा आभेस खानले समान २/२ विकेट लिए । जम्मा ५ खेलको श्रृङ्खलामा पहिलो खेल भारतले तथा दोस्रो वेस्ट इण्डिजले र तेस्रो पुन: भारतले नै जितेको थियो ।