
काठमाडौं, २७ साउन । कतारमा आगामी नोभेम्बर-डिसेम्बरमा आयोजना हुन गइरहेको फिफा विश्वकप २०२२ फुटबल प्रतियोगिता पहिले तोकिएको मितिभदा एक दिन अगावै शुरु हुने भएको छ ।
पहिले सार्वजनिक गरिएको तालिका अनुसार आगामी नोभेम्बर २१ देखि विश्वकप शुरु हुनु पर्ने थियो तर अब भने नोभेम्बर २० बाट नै विश्वकप शुरु हुने निश्चित भएको हो । नयाँ तालिका अनुसार आगामी नोभेम्बर २० मा आयोजक कतार र इक्वेडरबिच उद्घाटन खेल हुनेछ ।
यसअघिको तालिका अनुसार कतार र इक्वेडरबीचको यो खेल नोभेम्बर २१ मा तेस्रो खेलको रुपमा राखिएको थियो । उद्घाटन खेल भने नेदरल्याण्ड्स र सेनेगलबिच राखिएको थियो ।
आयोजक देश कतार र विश्व फुटबलको सर्वोच्च निकाय फिफाबीचको छलफलपछि खेल एक दिन अघि सारिएको बुझिएको छ । कतार र इक्वेडरबीचको खेल उद्घाटन खेलका रुपमा सारिएपछि नोभेम्बर २१ मा तीन खेल मात्र हुनेछन् । तीमध्ये समूह ‘ए’ का नेदरल्याण्ड्स र सेनेगल तथा समूह ‘बी’ का इंग्ल्याण्ड र इरान तथा वेल्स र अमेरिकाबीच खेल हुनेछ ।









पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




